كيف نجعـل منتدانا من أفضل المنتديات مهـم جداً جـداً
بســ الله الرحمن الرحيم ــم ..
الســ عليكم ورحمة الله وبركاته ــلام ..
:D
اخواني كيف نجعل من هذا المنتدى الأفضل ؟
*س- ماهو المنتدى ..
!!واليك الجواب المنتدى هو بيتك الثاني وفية اصدقائك واخوانك وخواتك يشاركون معك في المعرفة وفي المزح ويزعلون لزعلك ويفرحون لفرحك
وفي هالوقت كثرت المنتديات وصار هناك سباق للمنتديات وكل عضو يتمنى أن منتداه هو الأفضل ويتفاخر به بين اصداقائه
فكيفك نجعل منتدانا هو الأفضل ؟؟
الحل بسيط
* اولاً : (( تشجيع الأعضاء الجدد ))هذي هي البداية وأنت أكيد تتذكر أول يوم جيت فيه للمنتدى وكتبت موضوع وكم تمنيت يرد عليك الكل ،، وبتشجيعنا للأعضاء الجدد فنحن نحثهم على الأبداع فمنهم سيخرج لنا كتاب رائعين في الأدب والشعر أو في أي مجالات آخرى
* ثانياً](( قبل كتابة موضوع في أي قسم يجب أن ترد على موضوعين اوثلاث او اكثر ))
وهذا شئ مهم جداً ،، لأن هذا تواصل بين الأعضاء وتشجيع لهم وأي عضو يفرح بكل رد على موضوعه ويحثه على الأبداع أكثر فاكثر وأنت أذا رديت على مواضيعهم الكل بيرد على موضوعك إذا كان يستحق .
* ثالثاً : (( تشجيع المواضيع التي يتعبون اصحابها فيها ))
يجي عضو باز بعمره يطرح شي بسيط هو مسويه وتعبان عليه وكانت عيونه بتروح ومتحمس بعد واخر شي يفشلونه ويردون عليه رد قاسي ويحبطون من روحه المعنويه ايا كان هذا الموضوع مهما كان بسيط لازم تشجيع من الجميع حتى نكون الافضل.
رابعاً : (( الكلمة السحرية ))
وهي أن تكتب كلمة ( شكرا على هذا الموضوع ) كلمات قليله ماراح تتعبك او تنقص من قدرك او كبريائك ،، كثير مانشوف مواضيع عدد قرائها فوق السبعين او الثمانين ومن هولاء فقط يردون على صاحب الموضوع شخص أو شخصين وأكثر الأحيان تجد الموضوع خالي من أي رد ..!!
يعني أنت تبي الكل يرد على موضوعك وأنت ماتكلف على عمرك وتجامل صاحب الموضوع .. اجل وشوله تشارك وتتعب عمرك.
خامساً : (( محاربة الشليلة ))
وهذا أكبر خطر يهدد أي منتدى وكثير من المنتديات هرب منها اعضائه لهذا اسبب ،، وشليلة هي أن يتفق الأعضاء ويقولون ( احنا والله شله ارتحنا لبعض ومانبي واحد جديد يخش بينا ،، والاتفاق هو ترد على موضوعي ارد على موضوعك ) ويروح فيها الضعيف اللي ماله حول ولاقوه اقصد ( العضو الجديد ) مايعطونه وجه لين يمل وينسحب من المنتدى ،، لا ومن زين الطبايع بعدها بفتره يقلبون على بعض ويصير كل واحد يكتب موضوع ولا يرد على الثاني ،، وخلاص انتهاء المنتدى وصار ممل .
سادساً : (( التواصل بين الأعضاء ))
التواصل بين الأعضاء في الأفراح نهنيهم وفي الأحزان نواسيهم ( عاد تخيل نفسك مريض او مسافر حتى أهلك مادروا عنك ،، وتجي للمنتدى والكل مشتاقين لك ويسألون عنك ،، أكيد هالكلام بيسعد قلبك وبيكون محد قدك )
سابعاً : (( التقليل من المواضيع المنقولة ))
بعض الموضيع مهمه ويجب أن تنقل وتنتشر في كل المنتديات لكن مسألة انك تشوف اي موضوع يعجبك وتنقله لا ويمكن تكتب عشر مواضيع في اليوم ( تخصص قص ولصق ) هذا شئ يطفش ويجيب العمى ( وشوله اشترك في منتدى !! .. اجل اقراء صحيفه او مجله او اتابع الاخبار في التلفزيون اصرف )
ثامناً : (( التقليل من المشاكل ))
يعني ثنين مقاريد تهاوشوا وقلبوا المنتدى فوق حدر ونقسم المنتدى الى حزبين وكل واحد معه عجرا وجيب الفزعه
( يااخي بينك وبين اي عضو مشكله او رده ماعجبك او لك ملاحظة ،، ارسلها على الخاص وتفاهم أنت وياه بالحسنى بدون ماحد يدري (مو لازم) الشوشره حتى ما نسيء للمنتدي اللي وثق فينا
تاسعاً : (( خلك ذرب ))
يجي عضو وتتعب ويكتب موضوع جاد ومهم ويتوقع ان بيرد عليه ويناقشة الكل ويجيك ذاك العضو اللي مايدري وين ربي حاطه ويرد رد زي قلته ،، الموضوع في شمال وهو يرد بالجنوب ،، ويخرب الموضوع
( المواضيع الجاده والمهمه تحتاج الى رد جاد وبعكسها المواضيع الساخره او المصرقعه يرد عليها برد ساخر )
* وأخيراً *
المنتدى ليس بعدد اعضائه ،، بل بترابط اعضائه كاالأسرة الواحده وكما قال رسول الله عليه افضل الصلاة وسلام (( مثل المؤمنين في توادهم وتراحمهم كمثل الجسد الواحد إذا اشتكى منه عضو تداعى له سائر الجسد بالسهر والحمى )) وقولة علية السلام (( المؤمن للمؤمن كالبنيان يشد بعضه بعضا ))
أتمنى كان كلامي خفيف عليكم
وتأكدوا كل اللي أتمناه أننا نكون يد وحده صعب تفكيكها
لكم ودي
