-
ناس 000والسعوديه
قرأنا وسمعنا في المنتديات والمجالس انه في نهاية اكتوبر الجاري ستتوقف الرحلات من مطار رفحاء الى الرياض
على الخطوط السعوديه وستقوم (شركة ناس او خطوط ناس للطيران ) بديلا عنها وتبقى رحلات حائل والقصيم فقط 00
ولاهمية رحلة الرياض لاهالي رفحاء على الخطوط السعوديه (خاصه ) بما فيها من مزايا لاتخفى على الجميع من
تخفيض على التذاكر للطلبه واركاب المرضى ومرافقيهم بتذاكر حكوميه مجانا واسترجاع قيمة التذكره عند الاستغناء
عنها برسم 20 عشرون ريالا فقط وهذا مالا تفعله (نااااااااااااس) قلت هذه الابيات حول الموضوع000
ياناس نبي اليوم نشكي على نـاس = اللي عـلى رحلاتـهــم واعــدونـا
كانـه امـنافـس بين شركات لابــاس = مـار البـلاء كانـنهـم ضـيـعـــونـا
خطوط السعوديه على العين والراس= اللـيا طـلبـنا حاجـت(ن) ساعـدونا
تـشيـل مـرضانا ابخـدمات وحـسـاس= ونـبـدل المـوعـد ولا يــزعــلـونـا
وتـخـفـيض للـطـلاب ومـعـوق الـنـاس= وبالاكل هو والشرب ماحاسبونا
مابـاعـوا المـاء والعـصيـرات بـالكأس= حـتى الجـرايد ماعـليها نـمـونا
يانـاس قبل الفاس تاقـع عـلى الـراس = قـولـولهـم تـكفون لاتـتـركـونا
ولكم خالص تحياتـــــــــــــــــــــــــــــــــــــــــــــ ــــــي
-
[align=center]
صح لسانك اخوي الوايلي ..
وكل عام وانت بخير ...
الإركاب الحكومي للدول الخارجية ممكن يكون مفتوح الناقل اذا ماكو حجز او رحلات للخطوط السعودية الى هالبلد...
واتوقع مع ناس يمشي الإركاب الحكومي ...
التخفيض يالوايلي اغلى من سعر تذكرة ناس ...
التذكرة على السعودية الى الرياض بـ 110 وعلى ناس اقل من 99 بدون تخفيض ...
[/align]
-
ناس راح توكل الخطوط السعودية خازوق
ناس كل ما حجزة بدري كل ماكان سعر التذكره اقل
-
صح بدنك يارفحاوي الغالي وانت بخير كذالك0 لاكن السعوديه ترجع التذاكر وناس لا حسب مايقولون والا ماعمري ركبتها 0 والسعوديه تنقل المرضى بتذاكر حكوميه مجانا وناس شركه تجاريه بحته حسب ماسمعت والعهده على الراوي يارفحاوي000
-
[align=center]زي ما قلت لك ...
الحل تذاكر مفتوحة الناقل ...
بدل ما يحطون بالتذكرة الناقل السعودية (SVو) يكتبون (OPEN) ...
مثلاً لو سافرت لكندا وكان معك اركاب حكومي ...
يقصون لك تذكرة من السعودية الى لندن (ذهابا مرجعا) ومن لندن الى مونتريال تسافر على اي خطوط ثانية (البريطانية او الكندية) ... والشركة الأجنبية تاخذ حقه من الخطوط السعودية ...
فهمت يا ملي والا لسى ؟!!
[/align]
-
الوايلي
صح لسانك
ماقصرت
المجتمع يبحث عن الافضل والمنافسه التي تكون لصالحه
-
يانـاس قبل الفاس تاقـع عـلى الـراس = قـولـولهـم تـكفون لاتـتـركـونا
الحمدلله
يالوايلي الفاس مبطي على الراس = ياليتهم عن روسنا يرفعونا !
اللـــه يحيي شركـة ناس ياناس = اكيد من مصلحتنا يجونا !
صح لسانك ولهو حسافه عليهم وياليت كل عام شركه جديده !
تحياتي .
-
زي ما قلت لك ...
الحل تذاكر مفتوحة الناقل ...
بدل ما يحطون بالتذكرة الناقل السعودية (SVو) يكتبون (OPEN) ...
مثلاً لو سافرت لكندا وكان معك اركاب حكومي ...
يقصون لك تذكرة من السعودية الى لندن (ذهابا مرجعا) ومن لندن الى مونتريال تسافر على اي خطوط ثانية (البريطانية او الكندية) ... والشركة الأجنبية تاخذ حقه من الخطوط السعودية ...
فهمت يا ملي والا لسى ؟!!
ياحيي يارفحاوي والله مافهمت لاتواخذني اقصى ماسافرت للرياض ومرافق مع مريض
-
المدير السعودي ( صح بدنك ) وشكرا على المرور
-
القروي صح بدنك وشكرا على المجاراه الشعريه والله يجيب اللي فيه الخير
-
صح لسانك يالوايلي
اسمع يالبناخي ماعليك من رفحاوي ترى اقصى ماوصل شمالا النجف وغربا الجزيره..
الخطوط السعوديه مافيه مثلها ومثل ماقلت ماباعوا السندوتش ب17 ريال والا قالوا لك ماعندنا جرايد...نشامى مطانيخ..بس اللي استغربه ليه الناس كانت تسبهم اول...صحيح ماتعرف قدري لين تجرب غيري
بارك الله فيك