هــــــــاجـــــــــس الــــــبــــــيــــــن
قصيدة انقلها لكم لشاعره رهب بنت محمد الحمد السديري
الذي والدها غني عن التعريف الذي يعتبر رمز للقوافي
هــــــــاجـــــــــس الــــــبــــــيــــــن
(( من كثـر صدماتـي بنـاسٍ قريبيـن؟
قمـت أتحـرى صدمتـي مـن أظلالـي
كـل مابديـت أنـسـى وجـيّـه البعيـديـن
ذكـرت لـي مـع ضيقـة الوقـت .. غالـي
وكـل ماشعـرت أنـي سليـت المحبـيـن
بـديــت أطـــرد هـقـوتـي وأحـتـمـالـي
وكــل ماتخيـلـت المحـبـه مــن سـنـيـن
يأخذنـي الهـاجـوس .. لأبـعـد خيـالـي
مدري بكيت الحلم مع هاجـس البيـن؟
ولاّ شــعــوري بـالـغــلا .. مـايـبـألــي
مـدري عـزاي أنـك بعيـدٍ عــن العـيـن؟
ولاّ الـنــدم يـصـفـق يمـيـنـه .. شـمـالـي
مدري هو أحساسي (بفقدي) .. لغالين
وأقول بعد اللـي (رحـل) وش بقالـي؟
دام أقرب أحبابـي نسونـي .. وساليـن
وأنـا لـو أنسـاهـم .. تناسـيـت حـالـي
بيـن الصبـر والصمـت والخـاطـر الـزيـن
تـجـي مسـافـات المـعـانـي .. تـوالــي
ولـو عشـت مـن صـده عـذاب الأمريـن؟
ماجيت أبرخص ( عزتي ) راس مالـي
((ومن كثر صدماتـي بنـاسٍ كثيريـن؟
صرت أتحـرى صدمتـي مـن أظلالـي
