ياصاحبي الدنيا حكايات

ياصاحبي الدنيا حكايات وعلوم..
قصص عجيبه تذهل اللي قراها..
الدنيا لو تضحك معك
دايم الدوم..
خلك فطين ولايهمك رضاها..
كم واحد تبنى له أمال وحلوم..
يفني وغيره يهتني في بناها..
ياما أفرحت قوم وأحزنت قوم..
وكم أعشقت عين وخانت غلاها..
ياصاحبي شفت أمس شف حالنا اليوم..
دنيا تقلب يكفي الله
بلاها..
اليوم لامنه بغت عيني النوم..
تنكدت روحي وعافت كراها..
ماكل من علا بالأصوات
مفهوم..
وماكل روح تلتقي في مناها..
وماكل من يشكي معذب ومحروم..
وماكل من يضحك همومه نساها..
بحرالحياه إن صرت ماتعرف العوم..
يرميك في غبه بعيده
مداها..
من راح يستسلم من أحزان وهموم..
يموت حي وحاجته ماقضاها..
واجه هبوب الوقت بإيمان
وعزوم..
لابدماربك يهدي هواها..
وأصبر إذا شمسك حجب
نورها غيوم..
الغيم بتفرق ويشرق سناها...





اختكم بنت السناعيس

صح لسان قايلها

وسلمت انامل ناقلها

يعطيك العافيه على النقل الرائع

تقبلي تحياتي

صح لسانك ويعطيك العافية

يعطيك العافية بنت السناعيس

من راح يستسلم من أحزان وهموم..
يموت حي وحاجته ماقضاها..

الحمدلله
صح لسان قائلها وناقلها
شكراً يابنت السناعيس .