000
00
0
0
0
بسم الله الرحمن يارب خيرك
الناس تحسدني على صفت الريش
العبد عبدك وايضا ً الطير طيرك
البيد بيدك الرفق بالمعاطيش
حنا نجير وننتخي ونستجيرك
عن الفتن ومغزلات التباليش
عبدك فقيرك وإلتجابك فقيرك
لا دقت ضلوعه كبار المهابيش
وإلانت ياللي ننتوي من هجيرك
واحد وتسوالك ثمانين شاويش
عامين و( دلي) المحل وسط بيرك
ياللي من خدودك تغار الغطاريش
ضيعت دربك في بداية مسيرك
(حت إيش) ما تلقى خبر زين حتاإيش
في معركة بيض النوايا ضفيرك
وانكرتني يوم التقى الجيش بالجيش
وقعدت اوزن (شهقتي) مع زفيرك
واقول إن الله مداله يبي يعيش
واشيل من جوفي واحط بسريرك
وانت( تشلهبني) ولاقلت لك ليش
هذا السفاره من سفارة سفيرك
الجوع والحرمان والغبن والطيش
ياللي تعاندني وانا (مستديرك)
ومن هرجتني اليا انتهت قلت لي( أيش؟!)
اعيد وانت ترجع تفل (بحريرك)
وفي (بكلتك) دب/ وحمام /ودناديش
يغفى على اسوار الولايه خفيرك
ويصحى على صوت الفشق و (الـ لوليش)
ما دام ليل البارحة ما ينيرك
وعوج المحاني (شمرخني) تكاديش
خدرت (مخداري) وميه غديرك
1 (وكرغد) عجوز السالفه من وبر خيش
قد قيل لي يابو عرب من خريرك
تولد بطون مهجرات الدواشيش
والعلم ياصل من بعدك ويغيرك
اشعث غبر (متشعبط ٍ) بالمكاديش
كذبتهم واقفيت خلفت هديرك
معي صاي وصوت الارواح لي عيش
وسقت الركايب والحن من صفيرك
إلين غابت شمس الاشراق بشويش
وبينت لي إن الذخر من ذخيرك
وعرفتني هرج (الرمع) بالهواميش
واليوم ماكن الغلا من هجيرك
يولد كذا ! من (يتلي ) بالطواميش
النفس طابت كثر الله خيرك
والروح تلقا عقبك الفين درويش
1 :( الكرغد)
هو زي العصابة او الملفع حق العجايز بس يجي لونه احمر منقط باسود او بني باحمر.
يحطنه العجايز على روسهن بالصيف لانه بارد وخفيف.
نايف الذعذاع
