الله يتمم بين ابو الهول و الهول.=والله يهني بمعيوف معيوفه
يابو يزيد إن قاله الله و أنا اقول.=
لغير غير اللي نشوفه نشوفه!!
و الحول بالله ما بغير الولي حول.=
و الحمد له و الشكر مامن كلوفه.
و أنا ليا منه غدا ليلي ليووول.=
ظربت لي دوو ن تلالي ندوفه.
و اللي ورى حدب الحنايا ياهو هول.
ارفق على الضلع القصير و يلوفه.
لا جاوبت سحم السراحين يا أحول.=
ذيب ن ورى معلوق قلبي تشوفه.
كل ماابتدا ثلث ن من الليل مدبول.=
جر العوى مرات جور و مروفه.
وأنا من اقصايه على ادناي مجبول.=
من غاد اجي و آروح كلي حسوفه.
و السالفه ما هي طهابيل بهلول.=
و عسى الجهود البينات مخلوفه.
قسمي من ابوي و عشرتي لأبو مشيول=.
ومبادئ ن ماهي بزمنا مألوفه.
طبيت منها وادي ن غير منزول.=
و المجتمع في وادي ن له لفوفه.
مبادي ن منها أشمط الراس منجول.=
وانجلة القلب الخريق و حفوفه.
صارت حواجز جامده صعبة النول.=
بيني و بين المجتمع مع طيوفه.
سوت لي اشكالات مع عالم الفول!=
و اصبحت مثل اللي يجاهد شفوفه.
وجرايم ن سجلتها ضد مجهول.=
اخير من ذبح المعزب ضيوفه.
و الا الجروح الساطيه داخل الجول.=
تنبيك عنها غربتي و الكسوفه.
و الشعر حاله و المشاعر على فلول.=
افكار راس ن له بالأوضاع شوفه.
في ما مضى حسب الروايات و القول.=
واشياء على الوضع المريب معطوفه.
تسعين %و تسعات من قول=
شعار هاليومين يوم و تعوفه.
كل يوم يظهر لك من الخلق سهتول.=
أنا و أنا و آنا و ويعدد اوصوفه.
فارس و اديب و مبدع و دوم مشغول.=
و معذب قلوب الغنادير شوفه.
لبناني إلا شخطه!أ و شخص مسؤول.=
و معللق ن دب الليالي خروفه.
و لو هو يشوت مغمض ن جابها قول.=
و هو برحتاً ما احدن درى عن صنوفه.
و العود و ابو العود لو إنها ثعول.=
فوق الرمك كل ن يفتتل زلوفه.
و إلا القصايد!! علها الهدم بالجول.=
ماهي اكبر هموم الضمير و ضروفه.
ليا بغيت اصوغها قلت: يا زول.=
اكرب على سرج العزوم العيوفه.
حجلا" تخجلا كنها تستحي وطول.=
عنقاً و لايا غارت تقول مخطوفه.
و أنا عليها ضارب العرض بالطول.=
من المحيط الأطلسي ليا تنوفه.
همة صبياً شايلاً متنه حمول.=
شيبا الغوارب و الطروق معسوفه.
ليا جذبت الطرق الأول يجي صول.=
على الطروق التاليات العزوفه.
تلقيح و ادغام ن على اصول و فصول.=
كم لايذ ن نلعب بحسبة حروفه.
مار عللم اللي يلبس بيده زربول.=
و رجله على الدبكات تنقل كتوفه.
شرواي رجله خلقت لصابر الغول.=
و لتصفيق خدود البلاوي كفوفه.
و الشاعر اللي تقل يسبح من الثول.=
أثول امنه ناس ن تصفق لشوفه.
لو شاف شعار البلد راعي الشول.=
شعر الربيَع اليوم!! هي محفوفه.
ناس ن مع العجه و ناس ن على الضول.=
افلام هنديه و تقمماز طوفه.
وشياع و تسلهم و هذي على طول.=
ذكر الله و يا عين ربي تحوفه.
الحاصل إن الوضع مدري وش آقول.=
من راعي المعروف عد امعروفه.
حلم ن قبل لا ينولد طاح مقتول.=
و الشيخه اللي بالخدار محيوفه.
سوالف ن قزرتها و بيننا كول!=
لكن عن محاكيك قبل النكوفه.
تبي تشوف اسخف تناقض على اصول.=
لاحظ على الغناج عدم كسوفه.
يعني على ماقيل و الوضع مشلول.=
عساك سالم و اللحون معزوفه.
الله يتمم بين ابو الهول و الهول.=
و الله يهني بمعيوف معيوفه.
و اسلم جعل تسلم و قلي و أنا أقول.=
يا ليت راع الدين يوفي سلوفه.
الشاعر/ عبدالله شاكر الرويلي
