اسئله بريييييييئه لسائق السياره
كثيراً ما تراودني العديد من الأسئلة والتي تخرج بي أحياناً كثيرة عن طوري وهدوئي إلى حالة من النرفزة الغير معتادة ..
أكثر ما ألاحظ هذه الحالة (عندما أكون في السيارة) , والأكثر عندما أكون أنا السائق ..
لا أعلم تحديداً سبب هذه الحالة .. هل هي مثالية ؟؟؟ ربما
سأطرح لكم بعض التساؤلات التي تراودني كل يوم , بعدين قولوا رأيكم هل يحق لي أتنرفز أو لا ؟؟؟
1. لماذا وضعت اشارات الاتجاهات (الغمازات) في السيارة طالما أنها عندنا لا تستخدم .. ؟؟؟
مثال : سيارة ماشية في الشارع وانته ماشي وراها (فجأة) تحصله يبغى يلف يمين أو يسار … !!!!
2. لماذا وضعت المسارات والخطوط البيضاء على الاسفلت (يمين , وسط , يسار) طالما أنه لا يلقى لها اهتمام .. ؟؟؟
مثال : سيارة في أقصى اليسار وماشية على أقل من مهلها .. وأخرى تتجاوز من اليمين …!!!!
3. لماذا وضعت خطوط المشاة عند كل اشارة طالما أنها غير محترمة … ؟؟؟
مثال : عند غالبية الاشارات لا ترى هذا الخط لأن السيارات تكون قد تجاوزته … !!!
4. ليش كثير من السيارات توقف عند الاشارات وتسد الطريق للشخص اللي يبغى يلف يمين مثلاً وليس مطلوباً منه الوقوف عند الاشارة …؟؟؟؟
5. ليش كثير من (???) يجي من وراااااااااااء ويعرض سيارته عند الاشارة قدام كل اللي واقفين عندها وهو آخر واحد جاء … ؟؟؟
6. ليش كثير من الناس يتجاوزوا من وراء الخط الأصفر اللي في اليسار بسرعة هائلة … ؟؟؟
7. ليش تحصل واحد يسقط عليك في الطريق وبعدين تكتشف انه الأخ (يكلم جوال) … ؟؟؟
8. ليش بعض اللي يوقفون عند الاشارات يحب يرفع صوت المسجل (حتى يسمع الناس غصباً عنهم) … ؟؟؟
9. ليش أحيانا الواحد يبغى يروح يسار وهو ماسك أقصى اليمين … ؟؟؟
10. ليش أصحاب الليموزينات يسوون فهامة في الطريق وتحسهم (ثقيلين دم) … ؟؟؟
11. ليش سيارات المرور اللي عند الاشارات واقفة (تحسهم زي قلتهم) … ؟؟؟
12. ليش دولتنا من أكثر الدول اللي فيها أكبر نسبة حوادث في العالم … ؟؟؟
13. ليش عندنا تحصل ولد صغير ما معه حتى تصريح ويسوق سيارة - وأحياناً هذي السيارة جمس - … ؟؟؟
14. ليش تنزحم الشوارع عندنا أوقات ما يصير حادث … ؟؟؟
15. ليش اللي ما يقدر يساعد في الحادث يوقف ويسد الشارع عشان حضرته (يتفرج) و (يصور) … ؟؟؟
16. ليش المرور دايم زحمة … ؟؟؟
17. ليش أخلاق العساكر تكون ضيقة يوم ما يعطيك مخالفة … ؟؟؟
18. ليش أنظمة المرور ما تطورت - مع كثر المشاكل - من سنة اسكت … ؟؟؟
19. ليش الفحص الدوري معقد وكثير يتحايلوا عليه وهو مو مهم أصلاً … ؟؟؟
20. ليش اللي عندهم واسطات يقدروا يشيلوا المخالفات اللي عليهم … ؟؟؟
21. ليش المرور اللي في خطوط السفر حريصين على انهم يعطونك مخالفة (يوم يتخفون بين الأشجار أو تحت الظلام) أكثر من حرصهم على سلامتك … ؟؟؟
22. ليش بعض الطرق الرئيسية تحصل فيها حفر … ؟؟؟
23. ليش عندنا عندهم شيء اسمه (هوس المطبات) … ؟؟؟
24. ليش ما يكون للعساكر (برامج تدريبية في فن التعامل مع الناس) … ؟؟؟
25. ليش الحريم ما يسوقوا السيارات … ؟؟؟
__________________
