ياللي تفكر تتزوج عن حب... تعال هنا شوي ابيك بكلمتين

بسم الله الرحمن الرحيم
السلام عليكم ورحمة الله وبركاته

استغرب من بعض الشباب اللي مسووين روحهم روميو وقيس بن الملوح>>ايش جاب الأثنين

لبعض مدري...... بمعنى انه حبيب و راعي عشق وكلام فاضي ...يحب وحدة ويتعلق فيها

ومايفكر ياخذ غيرها علاقات وغراميات وكلام معسول وتدليل الحبيبة اللي معتبرها

الزوجة المستقبيلة لان مفكر يتقدم لها بعيدا عن مايسمى الزواج التقليدي ويبي يتميز

عن الغير يبي يعيش قصص الحب ما قبل الزواج واللي يظن انه بيظل لما بعد الزواج

ويستمر هالكلام والغزل لفترة مؤقتة طبعا ياخذ بنت الناس ويوهقها معه

لانه بعد الزواج راح الكلام تضيع كلمات الحب ويبدا يشك فيها واكيد بيقول كلمتني

بتكلم الف غيري يضيق عليها يراقب تصرفاتها بعد ماكانت عبايتها عالكتف لبسها

عباية عالراس حرمها من الطلعات واخذ منها الجوال وعطى اهلها خبراذا تبون تكلمون

بنتكم دقو على جوالي يمكن بتقولون ابالغ بوصفي امثال هالنوعية من الرجال

لا في رجال كثيريتصرفون بهالشكل وادهى من كذا خاصة مع البنت اللي ياخذها

ولا وراها ولي او رجال يوقف معاها ويساندها فيستغل الفرصة اكثر ويعذب

بنت الناس بشتى الطرق انا بصراحة مانيب مؤيدين الزواج بعد علاقات الحب لان مافي

علاقة تدوم الا من رحم ربي وتبين تاخذين واحد بعد حب خذي غير السعودي

بصراحة لان تفكيره مايتقبل هالأمور يحاول انه يكون اوبن مايند ويتنكر بشخصية ماهي

له لكن مايقدر مستحيل يغير عادة وطبع تربى وشب عليه وماعنده استيعاب

وفكرة ان انتي حبيتيه ورفضتي رجال كثير وماخذتي الا هو لانك تحبينه مو لانك

لعابة وراعية علاقات ومصخرة طيب دام انك منت قد الحب وسنينه ليش اوهمت

بنت الناس من البداية بكذبة ويوم انك تبي بنت ناس متدينة فكر بالزواج التقليدي وشيل من

راسك لعب العيال و لو ودك بام عيالك انسانة ملتزمة وتصونك وتصون بيتك

مع أن حتى الزوجة اللي بتاخذها عن حب راح ترفع راسك وتصونك وبتكون من

احسن مايكون اذا ماجاتلك حالة من انفصام الشخصية بعد الزواج ...

مع العلم اني عرفت بنات تزوجوا عن حب ومازالوا عايشين باسعد مايكون

وعلاقتهم حلوة لكن هي فئة لاتزيد عن 1 % بالمجتمع تحتاج لرجل متفهم رجل يستوعب

الموضوع من بدايته عشان يقدر يكمل فيه يستوعب فكرة ان مو معناة ان زوجتك كلمتك

قبل الزواج انها انسانة مو متربية او ماتقدر تفتح بيت وتربي اولادك فكرة انك

راضي ومقتنع بهذي العلاقة والزواج مو تجيك حالات نفسية ووسوسة وشكوك وتخلي

من هم حولك يأثرون فيك وعليك فكرة انك تحبها وهي تحبك يكفي انها تخلق جو عائلي

بعيد عن المشاكل والشكوك اللي مالها داعي و تنتهي بنتيجة سلبية

لكم كل التقدير

منقووووووووووووووووووووووووووووووول

مشكور على الموضوع

اختي الفاضله اولا الحب فطره فطرها الله بخلقه جميعا وليس بحرام ولا ذنب ., ولكن , اتوقع أنه لايوجد بهذا الزمان حب حقيقي إنما لعب على الاكتاف , حتى وإن كانت هناك محبه , فإن هناك , عوائق قد تمزق ما فعلاه المحبين ,’ ولكن ما هو كل من حب نصاب , أو شكاك , او او ,

ولكن نقول ,, سيقى الزمن شامخا أماام تلك ومافعلت .... ,,, والله يرئ كل شي

مشكورين على الردود بس لحظه احد قال مشكور لا لا مشكوره مو مشكور
ياعالم ياناس انا بنت
ماتشوفون النك شكبره سنيوره شمريه
زعلتوني منكم ااوي اوي
ّّّّّّّّّّّّقلبنا مصاريه
هههههههههههههههههه
I- I- I- I- I-

عسى الله أن ينفع بهذا الموضوع ناقله 000

000 تحياتي 000

يعطيك العافيه

يعطيك العافية اختي ,بس هل الكلام منقول , او عن تجربة مريرة؟؟؟

لا منقول مو تجربه ولا شيء اصلا صغيره على الكلام ذا
ويعطيكم العافيه على المرور

يعطيك العافية على النقل
واعتقد ان الحب بعد الزواج هو الدائم اما قبله فأنتما بين بين الرجال يقول اكيد تكلم غيري والبنت تقول شكله نسونجي
اما بالنسبه للعقليات المفتوحه فهي لاتناسب مجتمعنا
وقالت العرب قديماً : اذا نُكح الحب فسد .

الحب عندما يباع يصبح اكذوبة....ومن السهل ان تحب لكن من الصعب ان تعشق..ولكن تبقى ذكرى الحب عبارة عن شمعة ترفض الاشتعــــــال...

موضوع يستحق القراءة ...جهد تشكرين علية اختي...

((لا منقول مو تجربه ولا شيء اصلا صغيره على الكلام ذا
ويعطيكم العافيه على المرور))شكرا على الايضاح,
حلوه صغيرة
ايها الربيع المقبل من عينيها خذني اليها قصيدة غرام او طعنة خنجر