بعد الغياب
الا اجد الترحاب ؟
0
سلام يا جمهور عرعر يا عزيزين المقام
(ون تو ) صح ولا لعبته صح والدنياء لوي
كثر التحرك في دفاع الخصم يعطيك السلام
خص ٍ ليا عندك هجوم وخط نصك فوضوي
اغيب عام لخاطر ضروفي وعود بعد عام
وإن عدت يالنجم الشمالي عودتك تهوي هوي
بأهل التصنع والقصيد الرخو واسراب الحمام
اللي ليا ضافت عليـّه ما لقيت ابهم خوي
وش يزعلك يا طويق وانتا بين شيبات الغمام
وذيبك ليا جرهد زمانه يبترم يعوي عوي
يا طويق مبطي والعرب شد الحزام ارخ الحزام
ولا فيهم اللي من (دغث) ضيمه وعود مرتوي
كل ٍ يسحبل مشلحه يبي تعاقيد السنام
والوقت طبعا ً عادته يطوي صواريهم طوي
مبطي وانا خيالها يا جنب لا تشكي الحزام
حلب الفشق ما ذير الحرشاء ولا تزوي زوي
انا هنا يا حضرت الشعار قدام الانام
يفرحبي الجمهور وافرح به وجوي مستوي
صح الله لساني على المعني وقو الارتسام
من ردت الفعل المقابل عود الناقض قوي
إنكان تبغونا غزل وإلا تواريخ وحسام
وإلا عباطا وملكعه وإلا طرات الطرطوي
ش الراي تبغونا غزل؟ يحكى بعصر الإنقسام
طلت غناة الفلسفه ذات اللسان السحروي
اللي على دق الهجع تلعب قبل سن الفطام
اللي خذت من قمرة الفتنه قدر ما تهتوي
غيدن ليامن غنجة قلنا على الدنياء السلام
تنبت سنابل خطوة الفرقاء وتطويها طوي
روح ٍ تعلت بالمساء اعند من فروخ النعام
تضحك على دمعت مشاعرنا وتلويها لوي
ليا زعلت تقلب (دويلتنا)نزعات وخصام
وليا رضت تضحك لها الغيمه وترويها روي
نفطر على نظراتها وعيون خلق الله صيام
لو تبدي الراي العوج لعيونها راي ٍ سوي
هذيك قصة شامتي من خد بلغك السلام
عمار ياعرعر غلاتك تهوي انفاسي هوي
وإلا انا شاعر وجمي له 18 مقام
واللي ورد جم المعاني يوم صـّـدر مرتوي
والناس مبطي رايها يطغى عليه الاحتكام
اللي سلق لي جنبها واللي شواها لي شوي
يا طويق وشلك والزعل ولا فيه داعي للملام
وذيبك على جن المعاني مبترم يعوي عوي
نايف الذعذاع
