من كثر ماشفت بحياتي من انذال... بديت اشك ان النذاله .. فضيلهـ
إن كنت تنشد يالمسيكـي .. عـن الحـال
مالي علـى .. كتمانهـا عنـك .. حيلـه
الصبر عـن بـوح الاحاسيـس .. قتـال
والبوح فـي بعـض المواقـف ، فشيلـه
لـو كـل مايطـري علـى البـال ينقـال
ماكـان شفـت ان الثقيلـه .... ثقيـلـه
ابطيـت اكافـح ضيقـة البـال بالـبـال
وادفـع بـلا .. هاجوسهـا كـل .. ليلـه
ليـن اقبلـت مثـل .. السحابـه بهمـال
تشفـي غليـل اللـي .. تزايـد غليـلـه
طاحت ، ولاْوفـق مـن حنايـاك منـزال
وابطلبـك .. يابـدر ( تكمـى ) المخيلـه
ان قيل ترعد .. قلهـم : صـوت زلـزال
وان قيل تبرق .. شف لهـا ادنـاة حيلـه
مابـي .. تناقلهـا هـل القيـل والـقـال
وتصير مـن بعـد القصيـره .. طويلـه
يابدر .. ماني عال .. لـو صحتـي عـال
شفنـي مـن الصدمـات نفسـي عليلـه
اشيـل حمـلٍ .. لـو يشيلنـه .. جبـال
الله ، وامانـه .. غيـر تصبـح نثيـلـه
أرمي .. من هموم الزمن .. واسحب أدبال
وانزل عن ( الجوكر ) وغيـري يشيلـه
من كثر ماشفت بحياتي من انـذال ....!!
بديـت اشـك ان النذالـه ... فضيـلـه
ماطاح من عيني رجل ..!! طاحوا .. رجال
ورجال ( يابـن حنيـف ) ماهـي قليلـه
اقرب مـن اللـي قالهـم ضمـن ماقـال
راكان بـن حثليـن .. راعـي الجزيلـه
( هذا .. ولد عمٍ ، وهـذا .. ولـد خـال
وهـذا .. رفيـقٍ مالقينـا .. بديـلـه )
سبحان منهـو يابـدر غيّـر الحـال ..!!
وحـط الجفـا بيـن الخليـل .. وخليلـه
هذا الزمـن يبغالـه .. لسـان دلاّل .. !
من يستحـي هالوقـت .. واعزتـي لـه
وقتٍ به ( الراعي ) غدى .. راعـي دلال
كلٍ على طاريـه .. ينفـض شليلـه ..!!
ومن كان ساسه للـردى مضـرب امثـال
اليوم .. يحسب مـن كبـار القبيلـه ..!!
المال .. يابن حنيف ملعون .. ابو المـال
ذل العزيز .. وعز .. نـاسٍ ذليلـه ...!!
.
.
خلف مشعان
.
.
.
