والله لجيب القاف ..(مصافحه أولى)لـ هلال عزيز الشمري
أضع بين أيديكم .. هذه الأبيات متمنياً .. كا معانقه أولى ... أن تحوز على رضاكم ...
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
والله لأجيب القاف مثنى ومربوع=وأنظـم جزيلـه وأتغنـج بميَـه
والله لولا الوقت مع لايع اللـوع=لأجيب مزنـن بالرعـود القويَـه
والله لولا الدرس مع قل الأسبوع=لأعجـز أهـل العقـول الأبـيَـه
والله لأجيبه مثل ماتبعـد الكـوع=والله لأجيبـه كنهـا سـم حيَـه
يابو فهد دن النجـر دن مسـموع=واللي يجـي أهـلاً يالله حيَـه
ومن بعدها زين لنا الكيف من نوع=مـن حـب صنعـاء لازم نقيَـه
أحمس لها بالفن والذوق والطوع=لاحمس حرقانه ولاحمـس نيَـه
ولافاح بنَه حطها جانـب الشـوع=خله دقايـق ليـن تركـد شويَـه
وبعد ذالك زلها بحضـرت ربـوع=بـدلال رسالنـن لفتنـي هديَـه
هديـة اللـي فتـره كمـا بـوع=أبن الشيوخ مشيخـن بالرضيَـه
ثم أركها للجمر وريحـه تـذوع=به خمسة أنواعٍ مـن الشاذليَـه
ثم صبلي فنجالها سـدر منقـوع=أشقر يشادي شمسنا الشعشعيَـه
ابنقـي ضمايـه وأبـزرع زروع=وأبصفَـي الكيـف وأعيـد ريَـه
وأبجر موالـي بجانـب ضلـوع=وأقول وأبضلوعـي النـار حيَـه
ياقلب ماني بميـت مـن الجـوع=لاشك أبوصيك وأسمـع وصيَـه
هذا زمانن بـه الكـع مشـروع=خل النقى ياقلـب خذهـا عطيَـه
وأوصيك ياقلب عن كـل ممنـوع=ممنـوع شرعـن يسبـب أذيَـه
شاعـر وجبتهـا جيـب مدفـوع=ماهمنـي ناسـن تكـذَب عليَـه
السيف مايضرب والرأس مرفوع=والخيل ماتلحق ورجلـي مطيَـه
أبو خلود الحرف يمشيله بطـوع=يشبه سنا البرق يشبـه سميَـه [/poem]
وسلامتكم..
أخوكم/ هلال عزيز الحسيني الشمري..
أبو خلود
لكم ودي...
ودمتم بحفظ الرحمن..
