قصيدة الشاعر المبدع مدغم بوشيبه في لجنة شاعرالمليون
مدغم بوشيبه وقصيدته خمس صكوك مزوره في لجنة شاعر المليون
ياقصيدي وانت حملك مثل حمل السـلاح
من صناعـات الفـض النـزاع مطـوره
خلق وجهك من حجا ضلع وإشراقة صباح
دم تجمـد فـي وريــده ودم تـفـوره
من خلالك لي على الكون منفذ وإنفتـاح
أرسم أحلامـي علـى واقعـه واصـوره
الحصون اللي عليهـا منصـات الكفـاح
إنشد أكبرهم مـن اللـي بنـاه وسـوره
سقت ذودك للمفالي وقـاد مـن المـراح
وإعترض في دربهـا نابحـه ومخـوره
النجاح يشيل جرحه من أعـداء النجـاح
والمثاليـة تعانـي مــن المتـهـوره
والفتاوي تختلف شي حرام وشي مبـاح
وشي لو تقنـع بـه العقـل مايتصـوره
نستمـع لله وأكبـر وحــي للـفـلاح
المساجـد عامـره والقلـوب مـنـوره
وندري إن ماكل مذن بـلال بـن ربـاح
لو يقول الشمس حمرا والأرض مـدوره
المهول لـو خدعنـا وخذنـا بالصيـاح
واشتكى من رجله اللـي مهيـب تعـوره
حيلة ما تمشى الا على الناس الصحـاح
احبكتهـا عالـم مهـولـه ومـجـوره
والطيور اللي تهاوى بمخـلاب وجنـاح
لا تعشـي صيدهـا واحــد مــادوره
مايحصل راحة البـال وإطـلاق السـراح
من تورط له بخمسـة صكـوك مـزوره
فرد حمزه حسب تقرير دايـرة السـلاح
فيه واحد غير حمزه هـو اللـي ثـوره
تقبلوا تحياتي
