أخذت من سيرت حياتي تجاريب
اخذت من سيرت حياتـي تجاريـب
وكسبت خبره من تجـارب زمانـي
درست درسن في كتـاب المواجيـب
عرفـت شـيً مادعيتـه وجـانـي
لولا الردى محدن عرف قيمت الطيب
ولاحـدن تميـز بالكرامـه وبانـي
كلن كريـم ولا يشـوف العذاريـب
والنقـد والتقصيـر مالـه مكـانـي
ولولا الكرامه كان ما بـردى عيـب
ولا احدن يبرق في ردى شخص ثاني
ولحدن يرى لحدن حقوق ومطاليـب
ولا تاصـل الشرهـه بعيـدً ودانـي
احدن ليـا جيتـه يهـل التراحيـب
راع الوفـا عنـد المواقـف يبانـي
واحدن ليا جيته تشـوف الذواريـب
ماسـر مـن داره بعيـده وعـانـي
كلـن تعلـم فـي بـلاده مذاهيـب
يفهـم بهـا رمـوزً خفيـت معانـي
بعض الصداقه والمعارف مكاسيـب
وبعض الصداقه والمعـارف مهانـي
