قــصــتــي مــع .... جــــدتــــي الـغـالـيـة
[align=center] اخواني اخواتي الاعزاء هذي قصتي مع جدتي الغالية طبعا القصة قديمة ايام البرد الله يعيدها بخير ولكن حبيته ان انشرها هنا لترسم الابتسامة على شفاهكم .. واتمنى ان تعجبكم
القصة
في مساء ليلة بارده من ليالي البرد والتي توحي من شدة بردها على اننا في احد الاقطاب المتجمدة من البرد المهم ياوجيه الخير ما طول عليكم بالسالفه جالس على الكمبيوتر واتصفح منتديات رفحاء الحبيبه الا وتدخل على جدتي الله يخليها قالت وش علامك ياوليدي جالس بدون دفاية ولا انت لابس شي طبعا جدتي وغاليه عندي تركت الجهاز والتفت له قلت ياجدتي حنا شباب والشباب مايبرد قالت والله ماندري عنكم ياشباب هالوقت مانتم مثل شبابا اول وهي تبداء بسرد على قصة من قصصهم القديمة وايام شبابهم وكيف يواجهون البرد والحر والمشاق والصعاب وقالت احمدو ربكم انتم اليوم موفر لكم كل شي وحنا اول نورد على الابل والماء يتصافق على جنوبنا يمين ويسار بعز المربعانية وانا منصت لقصة جدتي الحبيبه واتخيل نفسي مكانهم واحمد ربي على النعمة اللي حنا فيها الان فالحمدلله على هذي النعمة وبعد ماخلصت جدتي من قصته الجميله وهي تروح وتجيب لي الدفايه وتحطه عندي وقالت تدف ياجنيني لايذبحك البرد انت وهالتلفزيون اللي اعمى عيونك ههههههه طبعا جدتي الله يطول بعمره ماتعرف الكمبيوتر تسميه تلفزيون طبعا انا خليته بوجهه ماقلته كمبيوتر المهم وهي تجلس بجنبي تتصفح معي منتديات رفحاء على التلفزيون وتابع مواضيع المنتديات وانا اصب له من الحليب واقهويها.. طبعا جدتي متخرجه من جامعة لينه للعلوم والتقنيه الكهربائيه هههههه بس مالقت تعيين للحين وهي تقول مابي اتعين الا سواقه بشركة ارامكو ويوم فحصو النظر لقو النظر ضعيف عنده قالو ماتنفعين تجبين لنا كارثه قالت اللبس نظارات قالو والله لوتلبسين دربيل ماينفع معك طبعا زعلت جدتي وقالت مابيكم انتم وشركتكم وقدمت على بعثه لدولة يوغزلافيا تقول ابي ادرس طب هناك بس شكلهم ماهم ردين عليها ههههههه المهم قريت له بعض المواضيع وبعض الاشعار لانه جدتي متذوق لشعر الغزلي لانه كانت تتغزل بجدي اول ههههههه وريتها بعض الصور الموجوده في عالم النت طبعا النظر لكم عليه وريتها صور اليابان في الليل قالت الله يذكر الفانوس بخير ههههههههههه وبعد تصفح جدتي لمنتديات رفحاء المطول قالت ماتسجلني معكم ابي اصير مع هالبنات اللي معكم وترى جدتي تسلم عليكم يالبنات وتخص الاخت نجمة سهيل خويتها بالسفر ههههههه .. قلت له ياجدتي ابشري بس اصبري الين يسجل معنا حدى هالشيبان واسجلك معنا طبعا امزح مع جدتي الله يعافيها لانها تتقبل مزحي وهذي قصتي مع جدتي المصون الله يعافيها واتمنى ان تعجبكم هالقصة ؟[/align]
