[align=center][poem=font="Simplified Arabic,6,white,normal,normal" bkcolor="darkblue" bkimage="" border="ridge,4,darkred" type=1 line=0 align=center use=sp num="0,black"]
وقت العتب راح لا ترجـع تعاتبنـي =مات الامل والبقى في راس وجدانـي
ماني مثل ما انت خابرني وتحسبني =فـلان الاول اصبـح واحـد ثانـي
خلاص مات الهوى لاتهدم ولاتبنـي =تركتني لين جاء النسيـان ونادانـي
العـام ادور سبـب منـك يقربنـي =واليوم ادور سبب عشـان تنسانـي
بعثرتني في هـواك اليـوم رتبنـي =نسيتني الناس شفني صرت وحداني
كان السهر في هواك اللي محببنـي =والحين حتى السهر يكبر على اجفاني
اجيـك يمحينـي عتابـي ويكتبنـي =مافيه طاري عتـب يمـر ماجانـي
وارجع واقول وش للجـرح جايبنـي =ادري بجرحك ولا ادري وش ودانـي
عن صدق الاحلام جاء الواقع وكذبني =وعن فرح الايام جاء حبك وبكانـي
مليت اشيل الامـل والدمـع يغلبنـي =واقول بكره يجي للشـوق ويلقانـي
ويروح بكره واجي والوقت غالبنـي =وارجـع علـى وحدتـي واحزانـي
بكيتـك العمـر كـلـه يامعذبـنـي =وش فيك ماتبكي اليوم على شانـي
كتبت الشعر ماهو عشان تقـول عاجبنـي =مليت من جزله وصـح الله لسانـي
انا وطن شعر لو شعـري مغربنـي =كتبت اجمل جروحي لجـل تقرانـي
خلاص لا تتعـب وترجـع تعاتبنـي =انا نسيتك دخيل جروحـك انسانـي[/poem][/align]
