[align=center]
السلام عليكم ورحمة الله وبركاته واللي مايرد بكيفه>> ديموقراااطي
الموضوع على غير العاده قد يكون كوميدي نوعاً ما وهو من باب التنويع
فـ تحملونا شوي
على الله توكلنا
*******************
كنت اسمع في أخبار قناة "خذ وخل" وأخبار وكالة: "يقولون" ذائعة الصيت...
فاز الديموقراطي... اكتسح الديموقراطي...نام الديموقراطي...
خش مزاجي هالديموقراطي :I ...وقررت إني اكتشف وش هو من رجال..
وش ياكل...وش يشرب.. ومن كثر اعجابي بها لديموقراطي كنت احلم
أني أتزوج بنته ديموقراطيه :-B .. ومن كثر ما وسوست بها صرت احلم بها (حلم شريف):zz
غيرت كل عادات الآكل حقتي...وبدال ما أكل شابوره مغمسه بحليب على الفطور
وكبسه على الغداء..وإيدامات على العشاء...
صرت أكل وأتنفس ديموقراطيه >> يضرب الحب شو بيذل :p
كنت اقرأ أخر أخبار ديموقراطيه في مجلة ماجد...
صجيت أبوي إنه يغير اسمي إلى "ديموقراطي" >>- ماني قايل لكم وين نمت ليلتها..
بعدها سلمت بالاسم الراهن...وأيقنت إن أهم شي الأخلاق والا الأسامي تروح وتجي
..وان لعبة الاسامي ماهي لعبه من العاب حياتي ديموقراطيه...
وكانت احلى حصه في المدرسه...حصة التعبير لما تكون تعبير حر... الله ذيك
الحصه ابدآ اتغزل بعمري (ديموقراطيه)...
كنت أوصف الجمال اللي عطاها الله...وخلى كل البنات تغار منها...
وكنت أوصف ردة فعل عيال الحاره لما اجمعهم واقول لهم مغامراتي المزعومه
مع صاحبة الرفعه والشان ديموقراطيه .. وكيف كان ماجد عبدالله ينافسني عليها
بس انا انتصرت عليه بالضربة القاضية ومن اللكمة الأولى I- ....
كانت ديموقراطيه ماخذه عقلي وتفكيري...كنت إذا مالي خلق أجيب أغراض البيت
وقبل ماتبدأ (أمي) هجومها أبدأ هجومي واقول لها خليك ديموقراطيه...
عندها تتمتم (أمي) بكلمات لم أفك شفرتها لحد الآن..
لكن كان حدسي>>ودائما حدس الديموقراطي لايخيب
حدسي يقول لي أنها تسال الله أن يرزقها ولد آخر بدل (اللي لذعت فيوزه و واقف قدامها):I
... ماعلينا....
وكانت أولى بداياتي الديموقراطيه الفعليه لكي اتقرب من حبيبة قلبي (ديموقراطيه..)
وذلك لما قررت الشله تطلع للبر خميس وجمعه...
وطبعا لكل طلعه رئيس...بما انني (السياسي) الفاهم في الشله أشرت عليهم بان
نسوي انتخابات عشان نختار الرئيس...طبعا هذي تعلمتها من ديموقراطيه لما كانت تجيني
في الليل وابوها الديموقراطي ما يدري وكنا نقعد نسولف لثاني يوم الصبح >> شفيكم تطالعون
والله بس سوالف..:no
المهم كل واحد من الثمانيه رشح نفسه...بعد فرز النتايج كل واحد حصل على صوت
...متعادلين...(كانت القرعه زي المعادله مستحيلة الحل فاي)...ما أذكر ديموقراطيه
كلمتني عن الحاله هذي...بس بعد تفكير طويل...والأخذ بالقياس على حالة مشابهه قد
اخبرتني بها ديموقراطيه...أشرت على الشباب نسوي تصفيات..كل اثنين يلعبون على
قطعة (هلل)...اللي تطابق اختياره مع الجهه اللي طاحت عليها القطعه بعد رميها هو الفايز..
والفايز يتاهل للدور اللي بعده...وبعد مباريات حماسيه...وقف الحظ معي وفزت بالإنتخابات..
صرت رئيس الطلعه...عندها أيقنت إن الديموقراطيين لازم يفوزون في إي إنتخابات..
وبما أني الرئيس قررت القطه من (ميتين ريال)>>- وأنا غير محسوب يعني ما أقط معهم..
وقد تعلمت عدم القطه معهم (من دروس ديموقراطيه)...
وبعد تجهيز العفش ذهبنا لـ وجهتنا...بعد ماوصلنا للمنطقه اللي نبيها...استشرت الشباب
بأحسن موقع للتخييم >>-ديموقراطي..روحاً لا إسماً !!
مع انه كان ودي نخيم جنب بقاله على الخط عشان نكون قريبين من ضوها وعشان كان فيها حمام
كل واحد كان يقترح مكان..وبعد ما سمعت الاقتراحات...وبابتسامه علمتني اياها ديموقراطيه
قررت اننا نخيم جنب البقاله ...
وبعد ان زبط الشباب الخيمه وانا كنت وقتها جالس في السياره الداتسون اتصيد اي موجات
معاديه على الراديو... جاؤو يعلموني ان كلش تمام...واللي بسطني اكثر العبارات اللتي
كنت اسمعها منهم...>>- مثل سم طال عمرك...ابشر الله يحييك...الله يخليك ذخر لنا
وللكواكب اللي حولنا...
هذا غير ان الواحد كان ينتفض قدامي لما أحط عيني بعينه >>ابوك يالديموقراطيه وما تسوي..
وبعد ان جهزنا البنية التحتية للمخيم...أمرتهم بصوتي الأجش المبرقش أن يحضروا قواطي
التونه وجبنة كرافت وبعض الزيتون لنتعشى عليهن...
وكأي شباب بدانا لعب البلوت (لعبه مفضله للديموقراطيه)...بما آني الرئيس لازم العب اول واحد
واكون جالس في اللعب سواء منهزم وآلا فايز(ديموقراطي) ....وعندما جاء النوم وزعت الشباب
وحددت مكان نوم كل واحد مع وضع حراسه مشدده على قواطي التونه والجبنه والزيتون.
وبعد التأكد إن كل واحد ذهب الى الحمام قبل النوم توجهت إلى جناحي الخاص على مرتبة
الداتسون ذات الغماره الواحده >>-لاتسالوني شلون كلكم الثمانيه جيتوا بداتسون غماره وحده. :think:
عندها سـأرد هناك اختراع يسمى حوض...حيث ركبت أنا وبندر الدب السواق في الغماره
والبقيه كانوا ملوحين بالحوض كـ وجيه العطايا أيام المربعانيه >>-اسلوب ديموقراطي..
وبعد أن صحينا صباح الخميس حوالي الساعة الثانية عشره حيث وجدت الشله منومين في الحوض
أخذنا سرى على حمام البقاله طبعا انا ماخذت سرى (ديموقراطي ) >>شفتوا شلون استفدنا من
الموقع (تفكير ديموقراطي )..وبعد ان افطرنا على قواطي التونة والجبنة واالزيتون...
حبينا نهضم شوي...قسمنا فريقين كوره...وكان من اهم الأحداث الديموقراطيه اللي تسعفني
ذاكرتي الديموقراطيه بحصرها...كسر (بندر الدب) لـ سلمان اللي في فريقنا...وأنا على طول عطيته
كرت احمر بدون تردد..وقررت انه ما يدخل الخيمه وينام واقف كل الليل ...وأتذكر بعد انه كان فيه
احتجاجات من الفريق الثاني ..وكانوا يبوني أعطي سلمان كرت احمر لأنه كسر حمد نفس كسرت
بندر لسلمان..بس حمد زياده على كذا اُصيب (بعاهة مستديمه)...بس انا رديت كيدهم في نحورهم!!
وقلت لهم ان نية سلمان على الكوره وان حمد المفروض يبعد رجليه...عشان كذا عطيت حمد كرت
احمر وأخذت بخاطر سلمان (ديموقراطيه)...المهم اقتنعوا >>-وهم على كيفهم مايقتنعون
وكملنا المباراة ذات ألـ10 دقائق كوقت أصلي وساعتين كوقت إضافي لأننا كنا مهزومين 2-0
وما صفرت لين جبنا التعادل (ديموقراطي)..
وبعد مااكلنا غدانا من قواطي التونه والجبنه واالزيتون جلسنا جلسة مصارحات(جلسه ديموقراطيه)
وقال كل واحد ما تخفيه كبده من إسرار نوويه..
انا وبحكم الرئاسه ما قلت أسرار الدولة 8O ..انا سويت هالجلسه عشان استخدمها ضدهم في
حالة آي انقلاب.. (الله يذكرك يا ديموقراطيه بالخير)...
المهم أحداث ليلة الخميس كـ سابقتها مع اختلاف طفيف هو ان (بندر) كان واقف برى...
ومع صباح الجمعة وبعد إفطارنا على ما تبقى من قواطي التونه والجبنه واالزيتون...
شدينا الرحال وذهبنا إلى بيوتنا مودعين بمثل ما استقبلنا به من ديموقراطيه...
ومن هذاك اليوم وحتى يومنا هذا أدركت أن كلمة ديموقراطيه لها مفعول السحر...
ليس شرطا ان تفهم معناها بقدر أن تردد شعارات تحت مسمى هذه الديموقراطيه المسكينه
وليس عيبا في الديموقراطيه ان تردد هرطقات وتنفذ عكسها...باستخدامك كلمة ديموقراطيه
تستطيع ان تصبح رئيسا على عميان كل همهم ارضائك وتبجيلك....
**********************
من أقوال متقرمط: جربوا الديموقراطيه .. إنها تقرررمشششش :D
*********************
وكلي رجا بظلمك لاتمادى...
مابقى إلا عظاماً يتهادى...
وجسم على القبر يٌنادى....[/align]
