نصيحة بمناسبة أفتتاح العثيم
بما ان العثيم فتح اليوم اكيد راح تكون عليه زحمه وهذا شئ طبيعي
وبما ان الرواتب راح تكون بكرا اكيد راح تكون الزحمه اكثر وكثر وهذا شئ طبيعي
وبما ان رمضان بعد خمس ايام واسعارهم يقولون رخيصه اكيد راح تكون الزحمه اكثر وكثر
وكثر وهذا شئ طبيعي
وبما ان العثيم اول سوق في رفحاء يجمع كل ما تحتاجه الاسرة تحت سقف واحد اكيد راح
تكون الزحمه اكثر وكثر وكثر وكثر وهذا شئ طبيعي
لا كن الشئ الغير طبيعي هو ان يدخل العثيم رجل معه ثلاث نساء وا اربع اطفال ما ادري هو
داخل هوشه او يبي يجمع اكثر قدر ممكن من مقاضي رمضان مع انه الافضل ان يجي لحاله
ومعه ورقه مكتوب فيها كل المقاضي او تجي معه حرمته او احد اولاده بس ما يجيب كل
العائله الكريمه ويسبب زحمه لناس
كتبت هذا لاني من شوي جيت من العثيم دخلته لقيت كل اهل رفحاء موجوده ما تقدر تتنفس
ووراك حرمه وقدامك سله مليانه من كل شئ وبجنبك رجل طاقه اخلاقه جلسة خمس
دقايق وطلعت من الزحمة
و في نهاية المطاف النصيحه هي:
اشتر من اي محل مقاضي حقة ثلاث ايام من رمضان يما تخف الزحمه الي على العثيم
وبعده تجيه وتشتري على راحتك
وشكرا..............
