http://up.z7mh.com/upfiles/APs25845.jpg
__ غبينه __
حفنة تراب ٍ طاهر ٍ
نتـيمـمبه لجل الصلاه ..
إن مالقينا مـاء ,,
والماء الأطهر .. لو تلاشى
كان ما نلقى حيـــاه ..
ولا بقى أحيـاء ,,
والغبينه
ال
.. غ
... ب
.. .. ي
.... .. ن
...... .. هـ
لين جا طهر التراب
و .. حط ّ يدّه
في يدين الماء الأطهر
........ وش بيظهر ؟؟
غير مارد ............. جا .. و قطــّب حاجبينه
وانمسخ
كل الـطـهـر ........... واصبح و ح ل
والوحل ..
تعلق به اقدام السفينه
ثم تغرق .........................للأبد.
.
.
.
__ خذلان __
ما بين جرحي .. واغترابي .. وهمّـي
وما بين حظي .. والوهم .. وابتعاده
جيت افتعل بسمة .. ووجهي خذلني
نسيت كيف يكون وجه السعاده !!
ماعاد لي شف ٍ بـ خل ٍ و غيره
مغنيني الله بــالحزن عن عباده
ولاهوب أكبر همي أحد ٍ حكا بي
كبَّـرت عنـّـه منطقي والوساده
.
.
.
__ سقوط إلى الأعلى __
طاحت الشمس من عين الفضا
وانطفا عقبــها نور القمر
والوفا كنـز .. لكنــّـه قضى
والزمن خان .. لكنــّـه عمر
أَزرع الخير والعمر انقضى
وما خبرت انني ذقت الثمر
من مشى حافي ٍ فوق اللظى
ما شكى لو غدى جوفــه جمر
صاحبي لا تدوِّر لي رضا
الرضا ضاع مثلي واندمر
عقل الانسان ما يجهل قضا
والخطا منك وش ذنب الخمر
وش يبي القلب في قلب ٍ فضى
أسود اللون وعيونه حمر
للبدايات بالشـرّ ارتضى
وللنهايات مدري وش ضمر
دونك المـوت يكفي واعظا
ولو تبي أموت .. تامرني أمر
يمكن الشمس ترجع للفضا
وألتقي بعْد موتي بالقمر
http://up.z7mh.com/upfiles/DCJ26416.gif 