بــســـمـــة نــــظـــــر ,,لسليمان المانع
بــســـمـــة نــــظـــــر
شايف دها حوّا المعتّق على اصول
000خلاّني آصل للسحـاب وحذفنـي
لدّت وهّدت ليـن حسيتهـا تقـول
0000شفتك وهديت الخطـاوي وشفنـي
وانا خويّك قلت ماهـوب معقـول
000نسيت ورضيت وقتها من يصفني
عاتبت نفسي بين واعي ومذهـول
00ورميت لك في بحر هالسّود سفني
كم كنت قاتل قلت كم كنت مقتـول
000من صوبّت صدر الحنين ونزفني
وشكبر عذري فرحتي بس انااحّول
000بقيت الأول وانت ساذج ياجفنـي
تغيرت ماهو دلع بنـت وزعـول
000تبي بعد عمـرٍ طويـل تعسفنـي
دوب آتلاحق واصلق القوم بالقول
000معيوفـةٍ توحـي للانظارعفنـي
أنا أقترفت الذنب الاوّل ومسـؤول
000لا والهوى صادف جهل واقّترفني
الٌعود اناالطفل وعلى خبرها الغول
000العود انا ماكـل بنـت تعزفنـي
الريح انا ماعاند الريـح غرمـول
000بارجع بكـل أشياءهـا تكتشفنـي
باسهر على العناب واسهر اللـوّل
000وابرد ونفـس أنفاسهـا تلتحفنـي
بس اعترف في عظمة لساني اقول
000لها علـيّ وحـده والايـام تفنـي
غنج وجرجرني وسايست مشغول
0000برمشٍ يقول اياك الآخر.. وخفني
بسمة نظر مني وصدت على طول
000ماكنهـا بنـت الحـرام تعرفنـي
