قوم ابو دقة وتسكيرة

بسم الله الرحمن الرحيم








قصيدة أعجبتني للشاعر القدير
مدغم أبو شيبه السبيعي وحبيت ان اوردها لكم :







رجم الهوى اللى لعن كوثر جماهيـره
عز الله انه مايستاهـل تعـب ساقـى
اتعبتهـا فـى مراقيـه ومشـاويـره
ذى جرتى نازل ...وذى جرتى راقـى
لبيـه يـاسـاره ولبـيـه يامنـيـره
فى مهبل الناس مدرى ويش أنا لاقـى
صدرالشمالى عليهـن فـك ازاريـره
اللى مـن أدم وحـواَ مابعـد ضاقـى
جن المدينه على غفلـه مـن الديـره
وتورطـن بالرومنسيـه والأشواقـى
مايكتبـن أساميـهـن بالطباشـيـره
بيعلمنـك عـن الموضـه والاذواقـى
مافيـه داعـى اجاملهـن بتكشـيـره
وأقول مشتاق ..لو مانـي بمشتاقـى
ماهن بكفوالسهـر والحـزن والغيـره
ودموعى وشعرى الموزون وأوراقـى
كرت احمر و باب طيـاره وتسفيـره
فى قلعـة الوادريـن وبألـف طقاقـى
الهنـدى ووايتـه والعـود وبعـيـره
هـذا مـدور ذهيـب..وذاك سواقـى
لو ما أنصفتنى سنيـن العمرالاخيـره
ماطبقت عينى أحداقى علـى احداقـى
قفلت سيرة علاقـات وبـدت سيـره
اللى عليهـا الكـلام وهقـوة الهاقـى
ابرك ضيوف الهوى وأغلى مساييـره
ريحانة تقطف اللهفـه مـن أعماقـى
ماهيب من قوم ابـو دقـه وتسكيـره
من قـوم لاحاسبـت ماتاخـذ الباقـى
لها علـى الزيـن تهليلـه وتكبيـره
أنعم من الورده اللـى فـأول الساقـى
مهيب أميره من اللـي بعـد الأميـره
ذات الحسب والنسب والمستوى الراقى
من أغنياء الرياض ومـن هواميـره
شركات أبوهـا بضايعهـا فالأسواقـى
يومى لها الغصن وتغنـى عصافيـره
والأمـر ينقـاد لرضاهـا وينساقـى
غيداء سهم عينها مـن قـو تأثيـره
مخسراً سوق الاسهم عنـد الاغلاقـى
البدى والهيكـل اللـى ماتبـى غيـره
اصطـب واستبنتيـن وقيـر علاقـى
مازيـن اخلاقـى الطـب بعقاقـيـره
لـولا عقاقيرهـا مازانـت أخـلاقـى
من قبلها الحظ مـن جفـره لدحديـره
لين أوعزت للزمـان وحـرر اوثاقـى
وأعتظت عن ..قوم ابو دقه وتسكيـره
باللى ليـا حاسبـت ماتاخـذ الباقـى





صح لسان الشاعر مدغم أبو شيبه

صح لسان الشاعر ويسلموا عا النقل أخ فيصل

شكرا على النقل

دمت بوود

صح لسان القائل
لاهنت يالغالي