نصائح للمقبلين على الزواج
:d تضامناً مع إخواننا المعاريس , المقبلين على الزواج
تضامناً مع إخواننا المعاريس , المقبلين على الزواج، واللي محد واقف جنبكم , اهدي إليكم هذه النصائح:
قبل العرس تأكد انك سويت الأشياء التاليه:-
1)) قبل العرس بأسبوعين
# حسابك في البنك مغطى
# حجز تذاكر السفر لشهر العسل
# حجز الاوتيل في بلد شهر العسل (خللي اختيارك رومنسي شوي يعني روح لمكان بعيد انت وياها(جزيره نائيه)او مكان في الجبل والهواء حلو.
# هديه بسيطة تهديها لعروستك في أول يوم عسل.
# تجهيز كل الحاجيات لبيت الزوجيه
2)) قبل العرس بأسبوع
* لا تحلق ابد أسبوع كامل عشان يوم العرس تحلق
* استلام التذاكر السفر
* استلام تأكيد حجز الاوتيل
* علق ثيابك في بيتك مو تروح طرزان
* ثوب العرس والبشت جاهزين
* أدواتك الشخصية كاملة وجاهزة ((فرشاه اسنان /ماكينه الحلاقه /عطوراتك /ملابسك الخاصه )).
* نظف وجهك بالبخار قبل أسبوع من العرس( علشان مايطلع وجهك منفخ في العرس)
* حجز موعد عند الحلاق علشان حلاقه ومساج و الخ الخ الخ.
3)) يوم العرس !!!
- خذ كفايتك من النوم
- بعد ماتقوم خذلك دوش دافي وتفرك زين تلاقيك من العيد للعيد تتسبح زين ..
- روق بالك وعقلك وفكر في افكار حلوه ورايقه عشان ينعكس الروقان على وجهك (يعني لا تروح العرس وانت مكشر او مرتبك او او او.)
- تغدى كويس لا تطيح علينا في العرس وتفشلنا (عشاء مافي) !!
لاتحلم انك تاكل في الليل علشان تكون خفيف ياخفيف
- بخر الثوب والبشت وهدومك اللي بتلبسها كلها
- روح موعدك للحلاق وخليه يسويلك حلاقه معتبره ومساج عشان يروح أي ضغط عصبي وريلاكس
- البس هدومك وتبخر وتدهن بالعود وبخ من العطور الزينه
وهذه لسته على البيعه بانواع العطور الرجاليه الحلوه: ((هافن/ هريريرا/ كارتييه/ شانيل/ بوشيرون/ س ت ديبون))
فلس الرجال مسيكين وهو بعد ماعرس
4)) وقت العرس:
& روح الحين لعرسك بدري مو تحسب نفسك معزوم وتروح متاخر
& ارسم الابتسامه الحلوه
5)) لحظة الدخول لقاعة النساء
// سمي بالله
// ارسم ابتسامه حلوه
// وجه عيونك لعروستك اللي قاعده في الكوشه
اما اذا كنتوا ماشيين سوا، امسك يدها بشويش مو تضغط عليها كنك خايف وماسك ايد امك، ترا العروس في هذيك اللحظه محتاجه كثير للحنان والاطمئنان يعني حسسها بالامان بمسكه يدك
// لما توصل عند الكوشه وقبل لاتقعدون على الكراسي، ارفع الطرحه عن وجهها، وبوس جبينها
// الحين اقعد على الكرسي
// بعد التصوير بيجيبون لكم عصير عشان تشربون
// انتبه لاتفشلنا وتشرب العصير لازم تشربها من كاسك وتشربك من كاسها وياريت تنتبه انك لاتطيح العصير على فستانها ..
// وانت قاعد في الكوشه مع العروسن،انتبه تستخف دمك وتسالها مين هذيك ومين هاذي
6)) عند تقطيع الكيكة
)) امسك يدها وروحوا للكيكه
)) امسك السكينه ويدك فوق يدها على السكينه، (كذا الاتيكيت)
)) وقطعوا الكيكه خذ بالشوكه قطعه صغيره مره عشان تأكلها
مو تحط نص الكيكه في الشوكه، وتقولها كلي
ترزز مره ثانيه للتصوير
بس خلاص نادوا الناس للعشاء وكل واحد يروح بيته
