المطاريش

المــطــاريــش

--------------------------------------------------------------------------------

هذه القصيده للشاعر/محمد مبارك الصخابره الدوسري.....وحبيت ان اطرحها لكم


الصيد قل وعذبتنا المطاريش@نقبل ونقفي من ولعنا على ماش
ناخذ أشهور أنفتش الأرض تفتيش@نتعب ولا تذكر لنا برق الأرياش
اليوم قل وقللوه المرابيش@قناصة العطلة من العرق لا الطاش
على عماها يقنصون الدراويش@ما من كلف مقناص شوزل ورشاش
مهما لقوا يرمون حتى الخفافيش@حتى ام سالم جالهم عندها اهواش
وليا امرحوا يضحى ضحاهم مخاييش@يجي سنود القابلة نوم وفراش
وشلون نبغا يكثر الصيد ويعيش @دهراً وعوانه تشيب بالارماش
حتى الديار اللي شمعها مهاييش@اليوم بيدا شوفها يوحش اوحاش
باق سمال القشع مثل المناقيش@مع الظما حشه مع الوقت حشاش
اتعومس اللي داج فيها تناويش@والاعماس الطير بالكبد منقاش
يا طير يوم اطلق اسبوقك على ويش@اخاف تزهق يالنداوي وتنحاش
إلا ان حصل يا طير سحب ورشاريش@وقفاه سيل يذكره كل طراش
وتتابعت غر المزون المراهيش@حقوق واتلاها ودادين ورشاش
ورويت بها جرد السهال المعاطيش@والروض تلقى جانبه غثوا وقشاش
ليا جابها الله من قنوفن مباهيش@كل يجهز ناوين له بمطراش
لومك على اللي نقل لك يا اشقر الريش@والاخذابك يم سنار مغباش
دار هواها ينعش القلب تنعيش@فيها وناست خاطري يوم ينداش
دار خلا من طارف البدو مانيش@عقب المطر ما دوجت فيه الادباش
دار طبيعتها دكاك ونشافيش@وحبان تلقالك براجيم ودشاش
باخذ معك يا طير فيها عراميش@إن كان راسي يا طويل البقا عاش
ياما حلا عقب المراح المغابيش@وانا معي عطب المضاريب شواش
افجح قصير الساق جثل المناويش@مستدرج عار من الريش هواش
كنه منقش بالجنيهات تنقيش@صدره عريض وراسه أبيض من الشاش
راكد ما هوب من الطيور المرابيش@عيبه صدوق الطلع ما هوب غشاش
ليا جيت مع جو كداده مشاويش @امفرع يوحي امهوهي ودرهاش
يبين في وجه لطلعه شوابيش@طلعه اطيار وتله السبق واهتاش
ومن الزعل زاد التحماس والطيش@قام يتعلا فوق واخرشهن اخراش
وحول على خرب براسة نغاميش@وطقه بكف ينثر الدم ماناش
والنار شبوها العيال المداغيش@بروض روايح زاهره ينعش انعاش
فل الحجاج وطنش الهم تطنيش@وخلك مع ربعك سنافي وبشاش
وترى السعد لو عارضت لقمت العيش@سبح القدم ومرافقت كل شوباش
اغنم حياتك يا قليل المناطيش@قبل يجيك الموت وتلف بقماش

ماقصر والله وصح لسانه

وعسى الله يجيب الحيا هالعام وكل عام

مشكور قصيدة تونس اللي يقراها بارك الله فيك أخوي فيصل

اللهم آمين والله يعطيك يالعافية ومشكور على مرورك

شكرا على النقل اخوي فيصل

وصح لسان راعيها

العفو ياذويبان وشكرا لك