حيل الله قوي لاتفوتكم رائعه
مساء الخير والسعاده والرضا..لكل من مر هنا ...
وتشرفت هذه القصيده بنظرة من عينيه...
لا تحملـنـي خـطـاء الأيــام وجـــروح اللـيـالـي
وأنت تدري أني مالي ذنب .. وحيـل الله قـوي
أدري أنـك غالـي وتشـره عـلـى فـقـدان غـالـي
بس ما لليآس فـي بعـض الظـروف الا الكـوي
صرت من بعدك وحيد ودمعتي هي راس مالي
مـادرى عنهـا الغريـب ولا فطـن فيهـا الـخـوي
لاتحسبـنـي عـقـب فـرقــاك بـالأشـعـار سـالــي
قـلـة العيـشـة تخـلـي الـذيـب يـقـنـب ويـعــوي
الـهـمـوم الـلــي أعانـيـهـا تخلـيـنـي انـعـزالــي
والـظـروف وقــدرة الله تـلـوي ذراعــي لـــوي
والكلام اللي سمعته والشقـاء ماهـو ارتجالـي
أشـربــه مـــن حبـيـتـك .. وعـيـيــت ارتــــوي
مـن عرفتـك وانـت ماتقـدر تجاوبـنـي سـؤالـي
لا ولاتـقـدر تخـلـي الضـلـع الأعــوج يـسـتـوي
اقـدر انسـى اللـي جرالـي واستـمـر ولا ابـالـي
بس مـا اقـدر انسـى انـي مـن حمولـة وبـدوي
حبي لك هو اللي يساعدنـي ويعجـل بارتحالـي
ترقـى فـي دمعـك.. ولا ضحـك يخلـيـك تـهـوي
رح فمـان الله يـا أصـدق وأغـلا مـن صفـا لـي
وكـل ماتحـزن تذكـر : ان حـيـل الله قــوي !!!
