وهذه قصيدة للشيخ تركي بن حميد العتيبي في وصف القهوة
[align=center]
وهذه قصيدة للشيخ تركي بن حميد العتيبي في وصف القهوة
يا ما حلا يا عبيد في وقت الاسفار ** جذب الفراش وشب ضـو المنـاره
مع دلة تجذا علـى واهـج النـار ** ونجر اليـا حـرك تزايـد عبـاره
النجـر دق وجاوبـه كـل مـرار ** ما لفه الملفوف مـن دون جـاره
في ربعة ماهيب تحجب عن الجـار ** لامن ولد اللاش مـا شـب نـاره
وأخير منهـا ركعتيـن بالأسحـار ** لا طاب نوم اللي حياتـه خسـاره
تلقاه فـي يـومٍ يضيعـن الأفكـار ** يومٍ على المخلوق ما أطول نهـاره
وقم في قصير البيت حشمة ومقدار ** لو جار فإدمح له ولو به خسـاره
ترى النبي وصى على الجار لو جار ** خذ الحذر يا عبيـد عقـب النـذاره
رافق قوي الدين حفّـاظ الأسـرار ** ينفعك في يومٍ يجـي بـه كـراره
ترى الهوى والغي هن شر الأشرار ** ومن داس عار الناس داسوا لعاره
جنب ردي الكار مـا فيـه تعبـار ** ما فيه من فعل المناعيـر شـاره
واسلم ودم بالخير يا طير غيمـار ** وصلوا على المختار ما غار غاره[/align]
