يالله ياعالم بحال السريره
[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
ياالله ياعالم بحال السريره= يامنجيآ يونس من أعماق الأبحار
ويامنجيآ موسى وربعه بحيره= في موقف تشخص به أبصار الأبشار
ويامرجع ليعقوب من زود خيره= من عقب ماجاه المنادي بألأخبار
ترحم حوالي يالفوني مغيره= كلن بشغله وامره رب الأقطار
ملايكه ومزودين السريره= يجون عند الغرغره في حمى الدار
موكلين بحمل نفس كسيره= حسب العمل ياصاحبي مابه أعذار
وتر للقبر ضمه عظيمه كبيره= لازم تمره مايحصل أي منيار
وتعيش بالبرزخ بدون العشيره= بجوف اللحد ماحد(ن )يتخيل بماصار
وياجا الحشر ياصعبها من ظهيره= قرٌب دنو الشمس من روس الأبشار
ونصب الصراط معلقن بتحديره= ياقف على متن جهنم ياستار
وكلن يمر بسرعته كيف سيره= حسب العمل ماهي سواليف وأسرار
أما بجهنم هاوين في حظيره= والا بجنات بها شئ ماصار
وياالله أنا طالبك من ألأمر خيره= وترزقني الجنه بها توٌحد أعمار
أرزقني الفردوس جنه شهيره= في وسطها تلقى بساتين وأنهار
وتستقبلك حوريتن به خطيره= تاقف تناظرها وهي تسطع أنوار
وصلاة ربي عد ماشفت ديره= وإعداد ماطاحت على الناس الأمطار
على نبي سيرته خير سيره= محمد الداعي على سر وجهار[/poem] أخوكم/ أبويوسف
