الوقـت والله مايحشـم المناعيـر
لاهو على كيفك ..ولاهـو بـودّك
-
تصيربه .. أشياء مـاودك تصيـر
والنفس عن شي ٍ يفيدك ... تلـدّك
-
اصبر على دنياك ... لو مابها خير
لاتشتكي حتى لو الوقـت ضـدّك
-
وان حدتك سود اليالي على الغيـر
لاتطلـب ألا واحـد ٍ مـايـردّك
-
عليك .. باللـي عالـم ٍ بالمقاديـر
أليا تعبـت وبيّـح الوقـت سـدّك
-
وان جات للواجب وجا منك تقصير
مالك نعم ... لو سالم الزير جـدّك
-
بعض المواقف ..ماوراها معاذيـر
اما بخـدّ العـذر ... والا بخـدّك
-
ومن قدّرك ... لابد تعطيه تقديـر
ولا تعدّه شي .... مـن لا يعـدّك
-
ولا تبرر للفشـل .... أي تبريـر
افهم .. وميّز بين ضحكك وجـدّك
منهوا مدري
