وحيدة السعودية الشاعرة عيدة الجهني
الشاعرة عيده الجهني حضرت حضور يليق بهيبة السعوديه
بقصيده تليق بالشعر
اول جلوسها على الكرسي قدمت ابيات
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا ابو ظبي جيت لا خجله ولا وجله = امد كفي لدان دن و ادنيته
دندن ودندن ودندنلي وانا انسجله = من برده الحرف لحني لين دفيته
والبدو عد المراجل يوم تنهجله = ما ترجع الا وكبد الطيب مرويته
[/poem]
قصيدتها
نقش بالمسند
على تلعة حجازية ظمآ معشبة
[ لقاء عابر بالرمل ببنا البرازيه في ذكرى غاليه البقمية ]
[poem=font="Simplified Arabic,6,deeppink,normal,normal" bkcolor="transparent" bkimage="" border="double,6,purple" type=0 line=0 align=center use=ex num="0,black"]
ياسـحـابٍ مــن القـبـلـه بعـيـنـي تـزبّــر = منتـويـنـي بهمـلـولـه وبــيــدي رفــــاع
امسح القاف عن عيني ترا القاف حّبر=والـقـصـايـد نبـايـثـهـا ثـلاثـيــن بـــــاع
كـل حـرفٍ تعسـجـد فــي لهـاتـي وتـبّّـر=مهجة الشمس من لونـه كتبنـي شعـاع
بـيــن إقـبــال مـفـتـونٍ وظـعــنٍ مــدبــر=خطوتيـنٍ ! ولـوج الهـم واخــرى وداع
في سباريت سمر سفرهـا الـودق خبّـر=حادي الهيم عن مكنـون صفـر الرقـاعٍ
غـاض صوتـي حجازيـاً وهـو مـا تنبّـر=لـو علـى خيـمـة الأنـبـار مــال الـيـراع
شربتـي مـن لهـاث القيـظ عــدٍ محثـبّـر=دوزنتنـي علـى الضيقـه فجـاجٍ وســاع
وكـل رسـمٍ وقـف بـي دمـع يـوم اتعـبّـر=فـي وجيـهٍ حيـارى دومــت بــه ســراع
ريـح شجـوٍ تهـز الصبـح واللـيـل كـبّـر=غيمة الحـزن واطلـق للنـوارس شـراع
حالـفـه يــا جــوادي لـلـردى مــا تغـبّـر=لو بذي مرخ من زغب الحواصل جياع
لا نثـلـم حــد سيـفـي حــد قلـبـي تجـبّـر=يكتـب المجـد كتـب الضيغمـي الشجـاع
والله انـــي لاوردك الـخـبــر يالـمـخـبّـر=ليـن تـروي صمـيـل الـحـق لأم القـنـاع
شبـوا السمـر قـافٍ عنـده السـدر خّـبـر=فـي ضلوعـي ورمـل الـذل لـيـلٍ مـشـاع
ثــم شــدوا وخـلـوا نخلـهـم مــا تـوبّــر=مـن بعدهـم تغـاوى فيـه عمـي الرعـاع
كــن لـجـة مظاهـيـر الـبـدو يــوم سـبّـر=بــا لسبـاريـت بـيـنٍ مـــاوراه اجـتـمـاع
ضـول رهبـان ديــرٍ فـوقـه الـوبـل نـبّـر=والنواقـيـس داعيـهـا مــع الـريــح داع
كـل حـيـدٍ تـلاهـم بــازرق الـدمـع عـبّـر=فـي كتـاب الليالـي ثـم ضاعـوا وضــاع
اتـوكــا عـلــى شـيــحٍ وقـــافٍ مـعـنـبـر=واتنفس غضـا السـاري وعزمـي تـلاع
كحل عيني شموخ البيد والصبـر صبّـر=فـي لهـاتـي وعـنـدي للسـوالـف مـتـاع
بعض سرحان عاشبـه الخـلا ماتعسبـر = بالطويلـه وطـمّـن فــي عــلاه الضـبـاع
يــا سـحـابٍ مــن القبـلـه بعيـنـي تـزبـرّ = منتـويـنـي بهمـلـولـه وبــيــدي رفــــاع
امسح القاف عن عيني ترا القاف حبّر = والـقـصـايـد نبـايـثـهـا ثـلاثـيــن بـــــاع[/poem]
الشاعرة عيده العروي الجهني
سهرانه
