ألفية بن عمار

[align=center]ألفية بن عمار

--------------------------------------------------------------------------------


السلام عليكم و رحمة الله و بركاته
هذه قصيدة الألفية للشاعر المرحوم / محمد بن عمار قالها عام 1340هـ

من أجمل الألفيات في الأدب الشعبي

اتركم مع ألألفيـه





أ لفٍ أ ولف من كلام ِ نظيفـي
ودموع عيني فوق خدي ذريفي
من لام في حب الحبيّب وليفـي
دقاق رمش العين سيد الخوندات
خوندات ياللي ما بعد عاشرنـه
قلّه تراهن في الهوى يذبحنـه
قلبي وقلبك من عروقـه خذنـه
عزي لمن مثلي تعرض للآ فات








الباء بليت بحب خلي على ماش
ولاحصل لي منه ما يبرد الجاش
غديت أنا وإياه طاسه ومنقاش
بالوصف كني يالمعزي سلامات
سلامات للـذي هـم يذكرونـه
يبي السلامة منه وهي المعونه
يقول طيب مير غارت عيونـه
سبب ولدكم واحدٍ صابه ومـات








التاء تليت الزيـن والزيـن مقفـي
أمشي وحتفي ناقلـه فـوق كتفـي
لاشفت مجـدول وكتـفٍ ورد فـي
ماقوى التفت لو طوحولي بالاصوات
أصوات وإن قالواهبيـل ٍ وسايـح
طـرد المقفـي يالمشقـى فضايـح
قلت إيه مير أشواركـم والنصايـح
مثل المطر فوق السحـال المكفـات







الثاء ثمانه حب رمان طايـف
أو قحويان ٍفي رياض ٍعطايف
متنقلٍ بالزين سيـد العفايـف
عمهوجة ٍفيها من الحورشارات
شارات فيها من ظبي الحمادي
هي لذة الدنيا وغايـة مـرادي
من يوم قفا صاحبي من بلادي
عليه جاوبت الحمامة بالاصوات








الجيم جاني من عشيري كلامي
ولا لفينا مـن يـرد السـلام ِ
عليه زرع القلب هايف وظامي
مالي جدا كود البكاء والتنهـات
أنهت على ما فاتني في زماني
يوم الحبيّب زارني في مكانـي
وراي ماخذت القضاء يوم جاني
توي دريت البيض فيهن غرّات







الحاء حليّه في الوطن ما لقيته
عذلت قلبي عنـه ولا قويتـه
وهولو يذكر يم *مسكه نصيته
أنصاه لو دونه بحورومسافات
مسافات لوهي في بحورالظلامي
أووسط بتّيل ٍ* حداه الولامـي
وإذاحصل شف وبلوغ المرامي
صبرت لو طبيت بحر الظلامات







الخاء خليلي صار عندي قريبـي
جعلي نصيب ٍله وهو من نصيبي
ودي نواجه نور عينـي حبيبـي
مار الوحيد لهيد ما فيه نوهـات
نوهات نوهات ٍغدت من غثا البال
طول النهارمسِيـم عمّـال بطّـال
وأنا أترجى كل حول ٍ إلـى حـال
دنياك هذي ياريش العين نشبات






الدال دامي ما مسكت الذوايـب
لوقيل طيب قلت ما نيب طايـب
دنّوا أستاد القبرأدنوا النصايـب
ودنّو دواة الحبر نكتب سجـلات
سجلات أريد أكتب بها لي وصيّه
عمري قضى يا وجد أهيّلي عليّه
قولو لصافي اللون ياقف عليّـه
أغديه يرجع وايتحّسف بما فات






الذال ذا لي عنـه مـدة ليالـي
لوقيل طيب قلت أنا أبخص بحالي
والله مايطري علي شـف بالـي
إلا أنت يا راعي الثمان الرهيفات
رهيفات فيها للمشقـى طرابـه
مجمول مدلول ٍ ولا بـه طنابـه
هنـي مـن يدخـل فـي ثيابـه
وأسّج أنا ويّاه في العمر سجّـات







الـراء ردوف صويحـبـي ثقّلـنـه
ونهـود للثـوب الحـمـر شلّعـنـه
ومثومـن ٍ ماأحلـى بياضـه ودنّـه
من فوق جسم ٍ فيه من عرق الأرطات
أرطـات غرمـول ٍ ذرتـه الـذواري
والله لولا نـي علـى التـرف أداري
لأضوي عليها مثـل ذيـب الغـداري
جايع وفي ا لغابـه عيالـه مجيعـات







الزاء زماني شفت منه الهوايـل
لاعاد حظي في الغناديـر مايـل
الزين لو نترك قصير ٍ وطايـل
لاشك وين العقل هيهات هيهات
هيهات لوفي العقل يا ديب لبّـه
ما كان يتبع واحـد مـا يحبـه
ليصار قولي لـه خريـطٍ بدبّـه
وش لك بشوفه يالعيون المشقات






السين سقنامـن الدراهـم وعيّـا
واللي نبي من صاحبي مـا تهيّـا
يقـول والله لـو تحـب الثريّـا
خذني على السنة تشوف الطرابات
طرابات ينسنك جميـع الدروبـي
غد يك في باقي حياتـك تتوبـي
وأودع مقرك بين جلدي وثوبـي
وتشوف فرق البيض فيهن لـذات








الشين شاب الرأس ياعذب الأ نياب
واللي بطاري توبـة ٍكـان قدتـاب
لي حاجةٍ يا زين بس إفتح البـاب
يرحمني اللـي عالـم ٍ بالخفيّـات
يرحمني إني فيك يازيـن مفتـون
من حبك أسهر والخلايق ينامـون
الهيتني عن مذهب اللـي يصلـون
ما عاد أميّز لـو قـرآن التحيـات







الصاد صيدي يوم ألاوي غريمي
شفق ٍعلي الحبّه ولمس البريمي
مهوب صيدي قلةٍ في الحريمـي
لا شك كل ٍله مع الناس مشهـات
مشهاتي أنته ياظبـيّ الفريـدي
حب العرب ينقص وحبك يزيدي
لا شفت زولك ذاك هو يوم عيدي
تصبح بساتين الضماير مريفـات








الضاد ضد ٍ حـال بينـي وبينـه
يقـول هـذا واحـد ٍلا تبيـنـه
جعل الوجع يشقيه في صبيّ عينه
يسهرولا يمرح من الليل ساعات
ساعات جعله ما يشوف الجـدارا
ولايعرف الليـل هـو والنهـارا
وعساه يوم البعث يحشر حمـارا
ويحمّلونه حمل الأسراف سيئات







الطاء طويت الياس والسد باحي
وما عاد لي شفٍ بظبّي الضواحي
ياعلها هفّت خفـوق الجناحـي
اللي سبوقه فوق رجله مطـوّات
مطوّات وطار فـي يـوم هبّـه
راعيه لو رز اللـواء مـا ينبّـه
طيرٍ قضيب أو الحباري غدت به
يبي العشاء من بين فخذٍ وثنّدات







الظاء ظمانـه لا تعاشرلـك إثنيـن
لازم تخلـىّ عشرتـك يامسيكيـن
ما خبر يجمع في المرابط حصانين
يجـي لهـا هـز ٍودز ٍوصقـلات
صقلات يصقلها إلى أ دنوا طعامـه
يجي لهـا مـع المعيشـه بحامـه
إسمع كلا مـي يالهبيـل الفدامـه
إلى جمعت الحصن فالحصن خطرات








العين عمّن ينقل الهرج حذرا ك
تراك كنـك ناقـل ٍداك بـرداك
وإلى سمع له هرجة ٍ من حكاياك
يحطها كبر القصـور المبنّـات
مبنّاة مبنّاة كبر خشـم الغرابـه
ويكدّر المشروب عقب الطرابـه
وهو يشابه بومة ٍ فـي خرابـه
لا ناقل الهرجه ولا كفو هرجات








الغين غـاب العقـل بـأول شبابـي
وأدميت من تلعـات الأرقـاب نابـي
واليوم شاب الرأس والكيـف طابـي
ماني على الفايت كثيـر الحسوفـات
حسوفات لاتحزن على اللي مضى منك
أيضاً ولاتفرح على اللي يجـي منـك
ماأدراك وش موجب سبب صدته عنك
ناهيك والي العـرش رب السمـوات








الفاء فـؤاد ك لا توليّـه حسّـاد
وإحذر يجي لك مع هل الشر مقعاد
إهرج وكنك عن جميع العرب صادّ
ثم إعتبر بالذيب يضوي بغـرات
يضوي بغراتٍ وهم ما دروا بـه
واللي يوقف في المحاري هقوا به
كم واحدٍ وقّف ولا قضـي نوبـه
يهوي إلى شاف اللحم كنه حدات







القاف قـل للـي يريـد النواميـس
اللي يبي طرق الهوى يرخي الكيس
وإلا بذلت النفس والكيس وإبليـس
يطيـح نـاس ٍيدّعـون الديـانـات
طاحوا وصاروا للخلا يـق علاجـه
يلقى بهم راعي الهوى قضي حاجـه
وإلا نثرت الحـب جتـك الدجاجـه
حاضت وباضت لو تبي عشر بيضات






الكاف كنّ السدّ في كل الأحـوال
وإحفظ لسانك لايقولـون ذا قـال
حتى تجي عند العرب خوش رجال
لا جيت مجلسهم نواظرك صقرات
صقرات لا تجلس مع اللي يشاكيك
هو داء دواك وتحسب إنه يداويك
ياديب كان الله على الرشد هاديك
إكتم كلامك بالضلـوع المحنّـات







اللام ليت العمر ينكـس لحلّـه
قيمة ثلا ثين السنة هي محلّـه
الرجل قبل الشيب يا حلو دلّـه
ولا لاح فيه الشيب ما فيه لذات
مافيـه لـذات ٍولا يرغبونـه
لو حط له ردن ٍوكحل عيونـه
أهل الهوى عقب الغلا ينكرونه
لوهو مصافيهم على فايتٍ فات







الميم ما غيري من الناس جـرّب
ولاهو بمثلي في حياتـه تطـرّب
لاويت صافي اللون فوق المضرّب
كن العدو عني عيونـه مـداوات
مداوات جعله ما يجي لك عبـاره
واللي بصد ٍعنك وش لك بكـاره
الحذ رما ياطا بوسـط ا لخبـاره
لازم يجي فيها عقـارب وحيـات






النون نام الحظ ولا فيـه حيلـه
عيا يباريني وأنا أزريت أشيلـه
من يوم فارقني عريض الجديلـه
قام ايتكسر في حشا الصدرعبرات
عبرات ضيّقن حنايـا ضلوعـي
عليك يا خلي حسيـن الطبوعِـي
واللة ما جفت محاجـر دموعـي
دايم عيوني في مهاواك سهرات







الهاء هواي السابعة يالفطينـي
والثامنة ياللي تعرف الرطينـي
مخفية ما ودي لضدي يبينـي
والتاسعة تحصاه بأعداد الأميات
أميات مات القلب من كثر همّي
وأشكي عليك الحال يا ولد عمي
أنته عضيدي وأنت لحمي ودمي
ترضاه يجفاني ولاني بمجفـات







الواو ويل أهل الهوى من هواهم
كان الذي قد سم حالـي وطاهـم
كم ليلة ٍيصبح غبيـبٍ عشاهـم
إلا لقيمات ٍمـع الحلـق مّـرات
مّرات لين أقضي من الترف شفي
وأوسده عضدي وزندي وكفـي
وأكشف عن اللي بين ٍ وأمتخفّي
ثم ٍيجي للـزاد والشـرب لـذات






اليا يحبـه صلـف ومراقـده كلـف
لو هو يتمم مطلبي كان أقـول ألـف
حيثه صديق ٍمن قديم ٍعلـى عـرف
وإلا فغيره لو يبـي عشـر بيـزات
بيزات ما أفّلهـا لغيـره بـلا شـي
من جنس رأس الظبي ما أبي عراشي
إلا لمن ما يـه علـى مـاه ماشـي
هذاك مـن يمـه فلوسـي رخيّـات



ارجو ان اكون وفقت بنقلها

واتمنى ان تعذروني ان وجد اي خطاء مطبعي

تـــمــــت[/align]

صح لسااااااااااااااانك مااقصرت والله وبيض الله وجهك

[align=center]


لاوالله ألا بيض الله وجهك
نقل
موووووفق

من لي وقت أدورها

أبو دحام شكرا لك [/align]

الله يعطيك العافيه

الزاء زماني شفت منه الهوايـل
لاعاد حظي في الغناديـر مايـل
الزين لو نترك قصير ٍ وطايـل
لاشك وين العقل هيهات هيهات
هيهات لوفي العقل يا ديب لبّـه
ما كان يتبع واحـد مـا يحبـه
ليصار قولي لـه خريـطٍ بدبّـه
وش لك بشوفه يالعيون المشقات