موقف محرج لجدتي

جدتي الله يحفظها ويطول عمرها راحت مع خالي للمستشفى وقبل ما تدخل لقسم النساء قال لها ابي اروح لقسم الرجال واذا خلصتي اركبي بالسيارة قالت خلاص يا وليدي ...

الى الان كل شي زين الزين ... وبعد ما خلصت جت طالعة وتلخبطت وركبت سيارة تشبه لسيارة خالي ... جا راعي السيارة ويوم شاف المرة بسيارته عرف انها غلطانة وحب انه يعلمها بطريقة لبقة ...

قال : تبين شي يا خالة ؟
قالت : مشكور يا وليدي ( وهي تقول بنفسها وش هاللي ما يستحي ).
قال : اذا بغيتي اي شي تامرين امر .
فكرت وقالت بنفسها ( متى يجي فلان والله لاخليه يتوطا ببطن هالسلب ( الكلب ) ).
قال : تبينن اوصلك ؟
قالت : وجع يمل الوجع والله انك ما تستحي يا حمار .

الرجال تعوض الله على السيارة وقال انتظر حتى يجي اللي معها ... وبعد ما جاء خالي شاف الوالدة متكية بسيارة ثانية واطقع ما تشوف هالعالم ... راح لها وقال : يمه مهي سيارتنا اللي ركبتي الله يهديس ( يهديكي ) قالت والله يا فلان ؟!! وبعدها تدور جدتي ما تلقاها ( عند الحضر طاح وجهها )


مروية عن جدتي الله يرضى عليها بتصرف كبير .

[ALIGN=CENTER]بسم الله الرحمن الرحيم

اللهم احفظ هذه الجدة لأخونا وحبيبنا رفحاوي .

بس السالفة بليل وإلا بنهار ؟، علشان أ حلل نفسية جدتك الله يحرسه .[/ALIGN]

الله يسلمك اخوي / قناص الفوايد ...

لا ليل ولا نهار ... كان الضحى اسند النهار ..

بسرعة حلل يا دكتور وطمنن على جدتي .

اياملا الغنيمه انت وجدتك

وانا اقول هذا الذيب من ذيك الحبوبه :D

الله يطول عمرها وعمرك

فلاكن قلها تحرص خبرك الاشاعات هالايام كثيره :D

ابو شوارب ...

تذكرت شي ... تقول الرجال له شوارب كنهن روس غربان ... اخاف انه انت ؟!!

امييييييييييين ..... تسلم يابو شوارب الله يخليك .

الحمدللة على سلا مة جدتك يا رفحاوي أشو ى أنها ما طا حت بسيارة حدى ها لمقرد

انت شارع 100 مهو 20 ( على بالي ابي امدح ) ...

اخوي القصة صارت بالشمال يعني ما فيه مقرد .

اللي يسمعك يقول عاد وش جدتك ملكت الاغراء :rolleyes:

والله اني هقيت ان السالفه بالشمال باينه من مواريها

اجل الحمدلله على سلامة ابو شنب فكه الله من جدتك

ابو شنب ...

لا تعليق !!!

ويا ليت توزن كلامك قبل ما تكتبه وتعرف حدود المزح .

اياملا الغنيمه يالزعول

انت اتهمتني بتهمة وانا رديت على تهمتك

وانا خابرك تمزح مع الناس وفي وحدة هنا تسلطت عليها بمزحك


اياملا الغنيمه انت وجدتك

الحق احب خشمك عن هالزعله

تسلم يابو شوارب كنهن سرب عقبان ...

ما صار الا كل خير ... الله لا يهينك .

اخوي رفحا وي اذا أنت زعول لا تجيب طا ري جدتك خل جدتك ومواقفها بالبيت واللة يسلم جدتك