بسم الله نبدأ
مطبق الفقع أو كبسة الفقع اللي تبغونه سموه
ننقع الفقع بماي بارده لمدة لا تقل عن خمس ساعات على شان بسرعه يتنظف ويتقشر بسهوله
http://www.fowzan.net/up//uploads/im...00dc6ff8aa.jpg
طبعاً كل وحده والكمية اللي تبغاها انا مسويه كميه أنا وزوجي ووزع عالجيران
المقادير:
3 كيلو فقع
يد خروف مقطعه 4 قطع
4 كاسات رز بالكويتي عيش
7 بصل كبار مفروم مو ناعم مره
زيت للحمس
ماء مغلي
كركم وكاري وملح وفلفل اسود ولومي مطحون ودارسين عدل وقرنفل عدل
ملعقة سمن
الطريقة:
نحمس اللحم مع ثلاث ارباع كمية البصل بالزيت ورشة كركم وكاري ونحمس على نار هادية وكلما زاد الحمس صارت النكهه أحلى بس لا يحترق قاع القدر بعد نص إلى ساعه الا ربع من الحمس نصب الماي المغلي والفقع والدارسين والقرنفل
الملح بعد ساعه ونص نرشه على شان اللحم يصير ذايب
http://www.fowzan.net/up//uploads/im...2f99db2485.jpg
وبعد ما يستوي اللحم نصفيه ونشيل اللحم على جنب والفقع لحال والمرق لحال ناخذ باقي البصل ونحمسه بمقلاة تيفال وبس يتغير لونه شوي نحط عليه الفقع المسلوق ونحمسه ونرش عليه الفلفل الاسود واللومي المطحون
http://www.fowzan.net/up//uploads/im...a50c9e0bd5.jpg
http://www.fowzan.net/up//uploads/im...9929ac6127.jpg
بعد ما نقعنا الرز بماي حاره شوي وملح لمدة نص ساعه نصفيه
ونحط شوي زيت بقدر لمن يحمى نصب عليه مرق اللحم وطبعا هالحركه هي سر طول حبة الرز بس بعدوا عن القدر لا يطير عليكم زيت وعلى نار عاليه الى ان تنشف المويه ونحط اللحم على جنب
http://www.fowzan.net/up//uploads/im...bd34f1591d.jpg
والفقع عليه ونغطي القدر على نار هاديه مرره لمدة لا تقل عن نص ساعه الى ساعه على شان يتشرب الرز ريحة الفقع بالفلفل الاسود واللومي
http://www.fowzan.net/up//uploads/im...64f6c44f43.jpg
ولا تنسون الاساس رشة سمن من فوق بس للريحه لا تكثرون ملعقة وحده
بالاضافة إلى
http://www.fowzan.net/up//uploads/im...c294eabb37.jpg
وبا الهنا والعافيه والله يجيب الخير
