بلدية رفحاء ( مالها وما عليها )
بلدية رفحاء : مالها وما عليها
مدخل/
في حقيقة الأمر أنا قد تحيرت كثيرا قبل كتابة هذا الموضوع ليس لشيء إلا إيمانا مني بأني سأكتب عن أفضل دائرة حكومية في رفحاء (ولكن لإسف الشديد سابقا) وحاليا من ليس كاسابق بل في انحدار أظنكم عرفتموها (بلدية رفحاء)
الحدث
أتيت من مدينتي الأخرى التي أدرس بها راجعا إلى وطني الأم (رفحاء) دخلت رفحاء فاستقبلتني بهواها العليل وجوها الساحر (ولو أن حوها غبار هاليومين)
بديت أمشي مع الحزام والأمور تمام ولكن من دخلت الحواري يا رباااه ياهي كارثة بكل طريق حفريات يعني تبي تحصل طريق ممتاز ما فيه أمل نبدأ بالصناعية فمع سوء طريق الصناعية أساسا زادوا عليه هالحفريات وأغلقوا الطريق ثم وصلت شارع الأمير نايف هذا الطريق أوله زين من عند الحزام وآخره اللي عند السوق شين والمطبات الصناعية اللي ما لها داعي عند العلاوي والأدهى من ذلك حاطين بعضها داخل حواري سكنية
بعدها دخلت حي النموذجية (واحتمال يدخل حي النموذجية موسوعة جينس لكثرة الحفريات الموجوده به) بكل مترين تلقى حفريات وبعضها حفر نازلة جدا وكل الطرق المؤدية للشارع العام عندها لازم تجر سيارتك على المطبة الكبيرة والخافي أعظم
ولسان حال أهل النموذجية يردد(حي النموذجية من رأئك؟)
وبعده جيت حي المدينة ويا رباااه يا هو حي قديم جدا ومن أوائل الأحياء في رفحاء ولكنه بقى على بداوته وقدمه وأقترح أن تجعل البلدية فيه (مهرجان الجنادرية الرفحاوي) لأنه الحي الوحيد بالعالم الذي لم يتطور وأخشى أن يكون لن يتطور
وجيت للمشى وشهادة حق أنه أفضل ممشى بالشمال وممتاز جدا بس لو يرشون الثيل بالنهار أفضل لأن الحين البلدية يرشون بالليل والناس ما تجي إلا بالليل وبعضها يلعب كوره على الثيل المبلول وشباب واجد جتهم إصابات بالمفاصل والعظام نتيجة الثيل (المبلول) فمن الأفضل لو يرشون بالنهار حفاظا على الشباب اللي يلعبون
أما مواقف السيارات فهي قسمين الأول فكره حلوه ويشكرون عليها وهي المواقف اللي عند الممشى وعند المحلات التجارية
واللي مقابلة ثانوية رفحاء
والثانية والله ما لها داعي وما أدري وش الهدف من إنشائها وهي اللي تكون أماكنها ليست مهمه_
وانتهت زيارتي
فهذه بعض الأحياء اللي جيته والباقي جيته وتعتبر ممتازة ومقبولة إلى حد ما ولو أن فيها بعض الأخطاء لكن تغفر بي بحر حسناتهم
خارج النص/
كل الشكر للبلدية على سفلتتها لطرق الأحياء الجديدة ( الشمال_اليرموك_الجميماء_الملز_وغيرها)
وكل الشكر أيضا للبلدية على اللوحات التعريفية اللي حطوها للتعريف بالأحياء والدوائر الحكومية وأتمنى أن يعتبروا ما خطت يدي عتب محب فقط .
تمت
بوح قلمي
أنا
