بين رفحا والعويقيلة << ملطووش

لطشته لكم من منتديات النداوي الشعبية قبل تقفل

--------------------------------------------------------


ضروف عملي بالحدود الشماليه بمدينة (العويقيله ) أبعدتني عنكم وكم أشتاق للجلوس والحديث معكم بدون قصور في اهل الديرة التي أنا بها , ولكن المشتاق يتهيض ويغني ولو ببضعة أبيات لا تعبر عن شوقي لكم .




دخيل الله من جور اللزز همٍّ وضيقة بال = سباقٍ في وسط صدري مقافيه ومقابيله
يتلّ الشوق معلاق الحشا ودّه بشوف رجال = تركناهم على سيف البحر غصبٍ بلا حيله
ليا حاولت اقرّب عهدهم بمكالمة جوّال = تزايد رغبتي في شوفهم مع كل تقفيله
أسلي خاطري في بعدهم وآجر لي موّال = وادوج بموتري ما بين رفحا والعويقيله
وانا لله حشا ما اذمّ قومٍ بينهم نزّال = ينابيع الكرم لا جا مجاله دبّلو كيله
زحولٍ تنطح الشور العسير وفي الشداد جمال = تلبي من زهمها ترتكي للحمل وتشيله
ولكن النفوس لها عربها والدروب طوال = خذت في ذكرياتي صوبهم سفره وتوصيله
ليامنّه نشدني من لقيت وقال كيف الحال = أقول بخير . واقصر بالخبر واخفي تفاصيله
على الله والسنه تقضي ونسمع صوت راعي فال = يبشّر له معلّم يرتجي نقله وتحويله
نعوّد صوبكم يا ربعنا نتناول الفنجال = نسولف عن زمانٍ قد مضى دارت فناجيله