كل ماجيت اسألك عن سر صمتك بكيت
كل ماجيـت أسألـك عـن سـر صمتك بكيـت
ماقـدرت أشــوف عيـنـك بالمـدامـع تختـنـق !
لاتجاملـنـي وتضحـك .. واضـحـه لوما حـكـيـت
لاتصـور لـي حكـايـه مــن فـــراغ وتخـتـلـق
كـل مافيـك يتكلـم حتـى فــي صمـتـك لقـيـت
أن سـهــم الـبـعـد نـافــذ وابـتـديـنـا نـفـتــرق !
ويش أقول لدمع عينك والقصور اللي بنيت؟
وكيف أصبر قلبي اللي بين أيديك ويحتـرق؟
أدري انه غصب عنك وأدري انـك مانويـت
وأدري انـه فـي زمنـا حتـى (حلمـك) ينسـرق !!
بس لاتبكـي طلبتـك وسـوى نفسـك مادريـت
والا انـا حظـي وأعرفـه .. مــع زمـانـي متـفـق
لابغيـت أفـرح ثوانـي قلـت .. ليـت وليـت ليـت !!
ليتني...؟وباقي كلامي وسط صدري يختنق
أمسح دموعـك فديتـك وأبتسـم لامـن طريـت
وجيت في بالك وقل لي (( كان لازم ما نفترق ))
