العيد عيدناه بأيسر صعافيق - قصيدة ابن رشيد
قصيدة الأمير عبيد العلي الرشيد رحمه الله
[poem=font="simplified arabic,6,crimson,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
العيد عيدناه بأيسر صعافيق =والعيد الآخر بالحفر والدجاني
نذر عيرات النضا بالمساويق =وكثيرها من كثر الادلاج واني
وانحن مثل امشومحات الدوانيق =ينقلن قل الطوب والجبخاني
للعارض المذكور للخرج لطويق =لا رحم او حي ً بهاك المكاني
واقفن يبغن الحساء مع مزاليق =وبجبالهن يسحبن خطو الحصاني
وصدن منه والله عليه التوافيق= وصارت نقيصة كل عشر ٍ ثماني
عيا يرد أمطير زود ٍ على الريق = تقل اخذت با شتك بالضماني
بما عقبهن الفوات والهداليق= بادوا شرايدهم مع المكرواني
حطيت ركابي مع مثال الطواريق =صبر ٍ جميل ٍ والله المستعاني
متى يعد الله علينا بتفريق =بيني وبين امقطعين العواني
ومتى نفارق لابسين الفواريق =ولسانهم عيا يراهم لساني
ومتى يغرب جيشنا عقب تشريق =ومتى نطالع ساق مع خشم اياني
ومتى لنا تبدى خشوم الشواهيق =واعفر برووس امشمرخات المباني
وبيض لا كن ارقابهن الغرانيق = ببلاد قوم ٍ يتعبون الصياني
دار الحماي التوالي على الضيق= ابو طلال ٍ ريف من جاه عاني
لا بيسرت من لا بسات العشاريق= خشف يخلط المسك والزعفراني
وش عيشتي لو لا رجا ذابل الريق= لو لا رجاي لامي زريف المشاني
ابو قرون ٍ كنهن دفن الهيق =ومجدلٍ فوق المتن له مثاني
من حط فوق الصدر زين العشاريق =حص ً ومرجان ٍ زها بالبياني
روض البختري زاهي ٍ بالدماليق = ومفلجات ٍ به كما الأقحواني
هي نقوتي من لا بسات العشاريق =من مصر ٍ الغربي لديرة عماني [/poem]
