ابداع الشعر

في كــــفـــها خــــاتــــــم .

في كفهـا خاتـم وفـي خدهـا خـال
وفي عينها غيـم وعمـارات وبيـوت
الخال شفته واضحٍ مـن ورى الشـال
والخاتـم المـاس مرصـع بيـاقـوت
والعمر في العشرين كنـي مانيـب زال
والجسم كنه من جبـل ثلـج منحـوت
جبـل ولكـن لا طرقـه الهـوى مـال
وخطواتهـا ماهـي بالأمتـار بالفـوت
ماهي تشوف الشمس من ظل الاظـلال
ومصيافها مـا بيـن لنـدن وبيـروت
الشمس لو تشرق على جسمهـا سـال
كنهـا مجسـم محلبـيـه وبسـكـوت
ومن صغر مبسمها شقى حالها الحـال
ما تاكل الا اللـوز والخـوخ والتـوت
ماهي تشوف النـاس تمشـي وتختـال
ومرٍ على جاكور ومـرٍ علـى حـوت
وخدامتيـن وهـي بـلا زوج وعيـال
وسمعتهـا تدعـي الدريـول يياقـوت
وثـلاث جـوالات مـاهـوب جــوال
ومن يوم خلقـت كـل شـيٍ بريمـوت
لكـن قلبـي مالهـا فـيـه مثـقـال
وش قرب البشت الحساوي من الكـوت
ياجعلهـا للـي خـذت قلبـي نـعـال
اللي غلاها عنـدي الشـرب والقـوت
حوريـةٍ مـن فوقهـا الليـل شــلال
كنهـا صبـحٍ فوقهـا الليـل مكتـوت
قلبي لها من كثـرة الشـوق مشخـال
وللسر عـن كـل المخاليـق تابـوت
تنحت لي من الحب في القلـب تمثـال
وحبي لها ينحت على الساحـه بيـوت
فـي عينهـا ماكـل رجـال رجــال
وأقصى حدود الوصل في سلمها الصوت
زودٍ على القلب وعلى الحسن مـن آل
روسٍ لهم روسٍ على متونها بشـووت
الى رضت موتوا يا أهل روس الأموال
وإلى زعلت جربت وش سكرة المـوت
من دونهـا رجلـي وراكـب وخيـال
والسيف والأمواج والبحـر والحـوت


وسلامتــكم ....


*منقول

صح السانك فزاع

القصيده لشاعرها محمد ابن فطيس
صح لسانه وعلا شانك
ولا هنت يافزاع على النقل
يعطيك العافيه

يا هلا ويا مسهلا عمو حمزة و شمالية
شكراً على مرورك وتعليقتكم..

تقبل شكري اخوي فزاع على هذا المنقول الراقي ..

تقبل مروري بس بدون مخالفات لانا شبعنا مخالفات


يعطيك العافية فزاع وننتظر جديدك

صح لسان ابن فطيس




تسلم عل النقل

هههههههههههههههههههههههههههههههههههههههههههههههه

عقارب ههههههههههههههههههه

فلور عقارب اشكركم على مروركم