قصيدة الشمريـــه ورد المطيـــــــــــري ...
هذي قصيده للشمريه اللي اغلطت عليها مدرستها وقالت لها يـــآبدوويه !! طبعــآ اكيد سمعتوا فيها
إيه بدويه ريحي بن وبـهـار
============ هذا شرف ما هو بحقي خطية
أنا أبدوية بنت حر مـن أحرار
=========== فزعات ربعي بالشدائد قويــة
أنا هلي يا بنت وافــين الأشبار
=========== كأنك جهلتي من أنا يا غـبـية
يا جاهلة ما تغطي الشمس الأنوار
=========== حنا كما شمس على الأرض ضية
حنا هل الطولات هــيبة ومقدار
=========== حنا مثــل للشــرف والحمية
حنا الطنايا للكرم رمــز وشعار
=========== حنا خويا مـــا يخلــي خويه
الذيب يوم أنه عوى وسط الأشجار
=========== عشوه ربعي ممن سمين هــديـة
يـوم أن جـدك وثـق القفل بالدار
=========== بـيـت الشعر مفتوح صبح وعشية
للضيف ريـف وللـمـعادين جبار
=========== نـرد الـحياض ولا نـهاب المنية
يا بنت لو بكتب من أشعار وأشعار
=========== تعجز معاني حروفي الأبـــجدية
للعب خلي اللعب لعيـــال شطار
=========== لا تدخليــــن السيل وأنتي ندية
رد المطيــــــــــــــري ..
أنا أشهد أنك جبتي الرد مختار
=========== تستأهلين المـدح وأنتي عذية
بنت القبيلة تفتخر بين الأقطار
=========== أصيلة الأنساب ما هي هفـية
تفتخر ببوها وجدها سر وجهار
=========== وتفتخر بربعها يحتمون السرية
وتقول أنا للرد ما كنت محتار
=========== اعـتز يـوم أنـك تقول بدوية
لكن ويش عزوتك لصار ما صار
=========== ما تعرفين إلا تقولين حضـرية
ولا ودي أفرق ولا أولع النار
=========== والله مـا أبغى بيننا عنصريـة
والتفرقة من بيننا ما لها كار
=========== والله يعـز اللـي جعلنا سـوية
بنت القبيلة تكرم الضيف والجار
=========== وهي عزوة الأبطال في الجاهلية
وحنا هل الردة ليصار ما صار
=========== حمر النواظر عزوتي عـبدليـة
أشكرك يا بنت المناعير الأخيار
=========== شكرك ورد القاف حقـا علـية
تعــليـــقـــــ//ـــــــــي ::
صــــ حّ’ الســــــــآن المطيـــري ردهـ واافي
والف نعــم من قبيلة مطيــر (حمرـآن النوـآظـــر) ..
بيض الله وجـــهه ...
