المشاركه 1000 ارجو ان تنال اعجابكم
السلام عليكم ورحمة الله
هذه المشاركه رقم 1000
اتمنى ان تحوز على رضاكم اخواني رغم اني لا اجيد التعبير ولاكن سوف اتكلم من القلب
واتمنى ان يصل الى القلب
الزمان / ليلة رمضان المبارك
المكان / الرياض اسواق التميمي
في تلك الليله وانا ماشي اشتري بعض اغراض البيت عشان رمضان
طبعا عزوبيه انا وخالي
نبي نرجع شوي بالنهار (( كان خالي على علاقه محرمه وكل يوم انصحه واقول ان الزنا يمحى الرزق يقول الرزق من الله وارد عليه هو اللي يعطي الرزق انت تعصيه ما يصير
وكل يوم على الحال المهم اني ارده وما اخليه يسوي شي وانا شهر بالرياض وشهر برفحاء واحاول اني امنعه بكل بوقت بعد ما امشي لرفحاء والحمدالله انه ما يصير شي ))
نرجع للتميمي
بهذيك الليله وانا جالس اشتري الأغراض اشوف الحريم اشكال والوان اللي ملتزمه ومغطيه وجهها واللي كاشفه واللي شعرها مكشوف واقول بنفسي حنا صحيح بالسعوديه
والله مدري طيب وين الحجاب الشرعي وين الهيئه اللي عندنا برفحاء يشوفون الحريم هنا
كيف لبسهن
وضاق الصدر وقفلت الأخلاق وطلعت من السوق ورحت اجيب فطاير ونزل السواق يجيب الفطاير والأخلاق قافله افكر باللي شفته واشوف الحريم يسافرن برى الحالهن من غير محرم والله اعلم كيف يلبسن برى (( نسأل الله العافيه والستر واتذكر موضوع اختي عروبه عن بنت حويدر ومطالباتها )) المهم كأن شي الهمني من الله واتذكر الاية قول الله بما معناه
(( الزانيه لا ينكحها الا زاني )) وقوله تعالى (( والحافظون فروجهم والحافظات )) قسم بالله
اني ارتحت بعدها 0000
ارجو تنال المشاركه اعجابكم تقبلوا تحياتي
