قصيدة المرجله لــ خلف العنـــــزي ...

قصيدهــ اعجبتني جدآآ جدآآ كلها حكـــم ..
للشـــآعر/ خلف المشعــــآن العنـــزي ..

ياكثرهم .. لا قلت لك .. عـــرفة وجيه
وياقلهم .. لا قلت .. قـدر ومعــــــــزه
رجلٍ .. تعزه بعد ماتلتقـي .. فـــــــيـه
ورجلٍ .. قبل ماتلتقي بـه .. تعــــــزه


ورجلٍ .. ترزه بالمجالـس مباديـــــه
ورجلٍ .. فلوسه بالمجالـس تــــرزه


.. ورجلٍ يموت ولا يجيبون طاريــه
ورجل ٍ .. يجي طاريه في كل حــزه


ورجلٍ يهزه .. بعض موقف ويشقيه
ورجلٍ .. مهوب أيّات موقف يـهـزه


ورجلٍ .. ضعيف .. ويستفزه معاديه
ورجلٍ .. كلام اعـداه .. مايستفـــزه


ورجلٍ .. تلزه يعترف لك بخافــــيه
ورجلٍ .. على خافيه .. محدٍ يـلـزه


ورجلٍ .. يوزونه .. ويزعل بنيخيـه
ورجلٍ .. يزعّل من يحاول ، يــوزه


ورجلٍ .. تكزه لا زم انك توصــــــيه
ورجلٍ .. بليّا ما توصيـه .. كــــــزه


من لا فرش .. للمرجله ماتغطـــــيه
ومن لايخز .. الناس .. محدٍ يخـزه


ان كنت تعرفني فهي .. عرفة وجيه
مو شرط لك بالقلب قدر .. ومعـــزه

وســلآآآآآآآآآآآآآآآآمتكم ..

صح لسان الشاعر
وسلمت يد الناقل

صح لسان الشاعر ..
قصيدة قوية , ورائعة .
شكرآ لكـ على النقل ...

صح لسانك ولسان الشاعر وهذي من روائع خلف المشعان وانا من المعجبين بشعره .. لاعدمناك يارز

السلهوومي الله يسلمك ويخليك .. ومشكور ع مرورك نورت متصفحي ..

العفو اخوي تربوي تك .. ومشكور ع مرورك نورت متصفحي ..

صح بدنك اخوي الكنـــق .. وفعلآآآ الشاعر خلف المشعــآن
قصاااائدهـ راااائعه جدآآ جدآآآ .. مشكور ع مرورك نورت متصفحي .

يعطيك العافية روووووووووووووووزعلى نقل القصيدة للشاعر الكبير

خلف المشعان

قصيدة رائعة ونقل اروئع

الله يعاافيك ويسلمك اخوي ( عقااااااارب) ’’ ...
مشكور ع الاطرااء وعلى مرورك نورت متصفحي ..

باذخه لخلف المشعان صح لسانه وعلى شانه
والمرجله ليست حصرا على الرجال
فكم من امراءه وقفت مواقف المرجله بحياتها
وكم من [ذكر] عجز عن بلوغ المراجل
شكرا على النقل لاهنتي

العفو .. مشكوره ع مرورك ..

بالمناسبة

سمعتها في ديوان خلف بصوت منشد حقيقة كان لحنها وأداءها رائعين
شكرا لك روز على هذا النقل
وصح لسان خلف المشعان

العفوو اخوي ( همــــــــآم) ,, مشكور ع مرورك نورت متصفحي ياالغالي ..