ياجار كانك طعتنـي برقـع الطيـر

هذه القصيده قالها الشاعر عندما شاف بنت جاره جميله لاكنها دائما كاشفه وجهها فقالها لجاره عشان يفهمها ... والان اخليكم مع القصيده ...




ياجار كانك طعتني برقـع الطيـر
......طيرك وحش واقلوبنـا مستميتـه

لولاي رجلٍ من رجال بهم خيـر
.....ماصد واغض النظر مـن بخيتـه

ياجار طيرك كل ماعرّض اعصيـر
.....مدري علامـه يلتفـت مادعيتـه

يمر كنّه شـارد الصيـد لاذيـر
.....لابوه لابو حـي حيّـه ، وميتـه

اغير,وانذر ، وانذر القوم ، واغير
.....وابيع روحي ، وانهـزم لابغيتـه

يردّني ياجـار طبـعٍ لنـا غيـر
.....الجـار مانـدرج الغـرات بيتـه

يبقا على حشمه ، وشيمه ، وتقدير
.....ويـروح عنّـي بالـردا ماقفيتـه

من خوف شيِ مابعد صار ، ويصير
.....يامّا هدمت البيـت ، والاّ بنيتـه

بعدٍ عـن الهيّـن معـزّه وتوقيـر
.....ورجمٍ على غيـر النقـا مابديتـه

يحدنـي يـم الخطـا دون تبريـر
.....الـي بلانـي بالهـوى ، مابليتـه

وانا بشر منـي خطايـا وتقصيـر
.....الله يغفـر كـل ذنـبٍ جنيتـه




منقول

رائعه هذا القصيده ومناسبتها ومعناها في قمة النبل والاخلاق والكرامه ..


منقول رائع كروعتك اخوي عقارب لاعدمناك ..

الله جميله ويازين قلوب اول
لو الحين يقولها الجار لجاره صارت مذبحه
شاكرين لك اخوي ولاهنت على النقل

قصيده جميله جدا
ابيات وانسيابيه
ومعاني الرجوله وحقوق الجار

شكرا لك أخي عقارب

عسى الله يرحم الحال ويريد بنا خير

ياملا العافيه ماقصرت

مفردااااات راائعه تصل الى قلب المتلقي بسررعه
كذلك القصيده مليئه باالوصف الرااااااااائع ,,
واعجبني في القصيده احسااس الشاعر ..
نقـــــــــل رااائع جدآآ جدآآآ جدآآآآ ..
اخوي (عقااااااااااارب)
اشكر لك حسن اختيــآرك وذااائقتك الراائعه ,,
تقبل مروري .

رآآئعه .. :)

كل الشكر لك .. وسلمت وسلم نقلك ..

قصيدة رائعة تبين من خلالها شيم الرجال في زمن مضى , وحفظهم لحقوق جارهم واحترامه وتقديره ..
شكرآ لكـ على النقل ...

((الملك الضليل))
((شمالية))
((همام))
((كرمالك))
((روووز))
((الدب الداشر))
((تربوي تك))


شكرآ على المرور الي اسعدني