مسائك خير يا نبع الحنان وبلسم الديجور
قبل تنشد عن احوالي امانه كيفها احوالك
0
صحيح الصبح من فمك تريق واحرج العصفور?
فديتك عيي لاجالك قبل تغريد من جالك
0
يضيع النور بأنفاس الحياه ويكتسيك النور
عبث تلعب على وجه الطريق وتسبق ظلالك
0
تطيح : تسمي الغيمه عليك وتكتسيك غرور
تقوم : تعانق ارموز الزمان وينتهض فالك
0
بثر خطواتك البارح حبيبي وردن زهور
تبسمت المكان ولا طريت الا على بالك
0
تجيني ديمة الفكره وانا روح الأمل ,,والبور
اماني عشقها هزم السحاب وريحة دلالك
0
اذا ملت طباشير المحبه وجنة الصبور
امـٍــل احروفك اللي للأمل تسحب وترفالك
0
انا جيتك من فجوج الوسيعه مامعي دستور
واخذت اتلو عليك من الكلام ولا تهيالك
0
انا ناتج عن ادغال الفقر والخاطر المكسور
تساويني تضاريس الحياة ولا اتساوا لك
0
يجيني المحسن بلقمه عشان اسمعه مشكور
ولكن ما سمع مني سوى ( رح شبع اعيالك)
0
حبيبي والحياة اجمل من التفكير بالمستور
يموت الصبر وانفاسي تعيش لخاطر وصالك
0
يطيح الدمع من جفن الفراق وينحني جمهور
وينحت صبرهم صخر الكلام ورمز تمثالك
0
نايف الذعذاع
