أموت لك ـ أموت منك ـ أموت معك ـ أموت فيك,,

محتاج لك بأدفّـي يدينـي مـن ملامـس يديـك
هالثانيه بالضبـط مـا أظـن الشعـور يفوتهـا


عندي قصيده ودّها من خالص إحساسـي تجيـك
حتى معانيهـا تبـي تاصلـك .. قبـل بيوتهـا


قصيـدةٍ يرجـع سبـب تركيبهـا منّـك وإليـك
وانت تعرفهـا مـن ملامحهـا وبحّـة صوتهـا


ياللي بديتك شوق كيف أشـواق قلبـي تنتهيـك
وأحـلام عمـري لا فقدتـك ترجـع لتابوتـهـا


إي والله أحبّك ولا زلت أعشق وصالـك وأبيـك
وفي خاطري لك هيبة ملـوك العـرب ببشوتهـا


لا جيت أبشكي لك رجعت وقلت وشلون أشتكيك !
وأسكت لو إن جروح قلبي مـا تطيـق سكوتهـا


كم لي وأنا أنادي عليك آمال عمـري وأحتريـك
وكم لك تجيب أعذار من زرق البحـور وحوتهـا


مع كل هذا .. والله إنـي مشتريـك وبأشتريـك
وأحسد عليك أهـل الكويت وجوّهـا وبيوتهـا


لا تكثر ظنوني عليّ .. وتكثـر ظنونـك عليـك
نفسي فراقك ضيـم حالتهـا .. وقربـك قوتهـا


أموت لك \ أموت منك \ أموت معك \ أموت فيك
ضع خط .. تحت الموته اللي تعجبـك وأموتهـا

* منقول


,,وصايف الكويت,,
أ

صح لسان شاعرها واهلا وسهلا بك في منتدانا
شكرا على النقل ولاهنتي..




*من شروط المنتدى كتابة منقول للقصائد المنقوله :)
يمكنك الاطلاع عليها في المواضيع المثبته بالقسم او من خلال توقيعي

كل الشكر اختي وصايف الكويت
اختيار موفق وقصيدة جميلة

صح لسان الشاعر ومشكوره ع النقل ومشكورة وصايف

صح لسآن شاعرها وتسلم يمين ناقلها

احترامي

صح لسان الشاعر

ويعطيك العافية وصايف على النقل

[size="6"][/sإي والله أحبّك ولا زلت أعشق وصالـك وأبيـك
وفي خاطري لك هيبة ملـوك العـرب ببشوتهـا

وصايف اللة يسلمك على النقل الرائع

وصح لسانك ولسان شاعرها

تقبلي مرورىize]

ممتيزة بالعذوبة وبالرقة في الاداء والاسلوب

سلمتي ولاهنتي على هذه العابرة المعبره

ومن ابداع الى امجاد الابداع يا وصايف

ولك مني جل التحيه تقبلي المروري /فـــــــــــــــــــــــــــــــزاع

صح لسان الشاعر ..
شكرآ للنقل ..

نقل موفق
وابياات رااائعه

صح لسااان شاااعره
وانااامل ناااقلهاا

حياك الله وصايف الكويت ...
(قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ) ...