يعجبك في تنسيفته والعقالي**وعند الصحن لازم حضوره ومضمون
عيدكم مبارك
كيبورديه وأتمنى أن تحوز على شيء
بسيط من رضاكم:
يالشعــر جعـل فداك بعض الرجالي
اللي بوقــت المعضــلـه مايحضرون
**
أطيبهــم بوقت الأمــــــور الثقالي
جـــواله مـقـفــل ولاشيف له لون
**
يعجبك في تنسيفتـــــه والعقالي
وعند الصحن لازم وجوده ومضمون
**
وإلا أنت تأخـــذ عني هموم حالي
ولامن دعيتــك أكبر همومي تهون
**
أبمدحك لك قدر بالقلب عالي
يامترجم ٍ مشـاعــر إنسان مغبون
**
ويامنجــد الضــايق قصـــير الحبالي
ياحاكي إحساس متغرب ومسجون
**
ياموصــل ٍ غالي يبي قــرب غالي
من دونه الحســـــاد واللي يعذلون
**
ياواصــــف ٍ حــالي وماقد جرالي
إليا عجزت أنطق وأنا حيل محزون
**
يامخفف حمـــــول ٍ تهد الجبالي
عن حملها قصران الأيمان يبطون
**
شي ٍ بسيط أهديت لك من خيالي
وشلون أبَوفي لك حقوقك شلون
**
ليتك بشر وأعطيك أغلى حلالي
وأقول لك تستاهل الطيب بالعون
محبكم/
ماجدالعواد
