][ يالله انا طالبك حمر ٍ هواء بالي ][
السلام عليكم ورحمة الله..
من الأبيات المشهوره البيت الذي كنا نسمعه في مضارب الباديه وهو
[poem=font="Arabic Transparent,6,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله وانا طالبك حمرا هوا بالي = لا روّح الجيش طفاح جنايبها[/poem]
وانشدها المبدع حامد الضبعان في البوم الاطلال وهذه هي القصيده..
[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله انا طالبك حمراً هوا بالي = لا روّح الجيش طفاح ٍ جنايبها
وان روّح الجيش حاديها اشهب اللالي = لاهي توّرد وسيع ٍ صدر راتسبها
اللي على كورها واللي بالاحبالي = واللي على المردفه واللي بغاريها
لا روّحت مع سباريت الخلا الخالي = تسن الذيابه تنهش من جنايبها
تزها السفايف وتزهى الخرج والحبالي = مجرب ٍ لاسرى بالليل صالبها
حي الطويله وحي اللي شراها لي = من واحد ٍ جابها للسوق جالبها
شريتها بالدهر يوم ارخص الغالي = بميه وخمسين مايمهل يغايبها
حديدها واذكر الله تسنه اريالي = تسن الحياياء تلوى في مقاضبها
اضرب بها الوعلي لامنه تهيالي = ابو حنيه كبير الراس شايبها
لا ثار بارودها لا العود مهتالي =منها الريايا مقطعتن نشايبها
واليّا لفونا من المقناص زعاّلي = احد ٍ مدح بندقه واحدٍ يعذربها
بشرتهم بالعشاء من عقب مقيالي = القايده مع مرد الكوع ضاربها[/poem]
/
\
0
وهذه القصيده الاصليه لشاعرها فراج ابن ريفه القحطاني وقد تلاحظون التحريف
بها ولا اعرف لماذا.!
0
0
0
والكثير لايعلمون لمن البيت او ماهي القصيده كامله ، القصيده للشاعر
(فراج ابن ريفه القرقاح) جد الشاعر المعروف فلاح القرقاح القحطاني
كان عليه دم لواحد من جماعته من قبيلة (عبيده) قحطان. وجلى عن القبيله وانتظر (ابن شفلوت) يحل القضيه بصفته شيج قبايل عبيده لكي يعود لقبيلته في (طريب) وكان قد جلى عند قبيلة (سبيع) وبعد مرور عشر سنوات ارسل القصيده هذي اللي خلت الجميع يتحرك لها وعلى راسهم ابن شفلوت وانتهت الدم الي عليه.. ويقول /
[poem=font="Traditional Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قال ابن ريفه بدافي المرقب العالي = واعلى المراقيب تومي به هبايبها
يامرقبي جاك من الاسبار همالي = انصوب مزن من المنشا يهل ابها
ما يدهله كون صافي الريش ولوالي = ولا الولع يوم يفتك في عجايبها
انا ولد طارفه مانيب كسالي = اخاف من خبرة باحت مزاهبها
عليك يا مرقب جيته وانا سالي = هيض على القلب ديارنٍ شطيت ابها
هيض عليه شدوق ( الثفن ) لا سالي = عطفة ( طريب ) ليا زافت عجايبها
لامن غدا الفيض كنه زرع عمالي = سيله من القدم للبطنان ناهبها
كم مرة قد نزلنا عشبه المالي = بيوتنا لاوزا المجرم يلوذ بها
تنزله ببيوت عراف وجهالي = وانا جا النذر من خفيف مانزهبها
ربعي ( عبيدة ) الياجاهوش وقتالي = هل هية في الضحى تشعا كسايبها
انشد ( عبيده ) هل الطولات من حالي = وانشد الاجانيب يوم انا نقربها
منهو يقلط على فرش وفنجالي = سعد ابن عمه لياجاته مكاربها؟!
لامن غدا بين نقاض وفتالي = وصفت الاجانيب واذاته بطلايبها ؟!
ثم جيتها ثم لفحت بهم على الجالي = لفح الدالي للمعدي يوم يجذبها
ياركب ميمونه في مشيها ارمالي = ماشتحن من هل العيرات راكبها
تزهي السفايف وتزهي الخرج وحبالي = ومجرب لاسرى في الليل صالبها
ملفاك من يلبسون الجوخ والشالي = ربعي ودرعي وضد اللي يحاربها
ملفاك شيخ القبيلة حامي التالي = عند ( ابن شفلوت ) يالمنجوب قربها
قل له على طالت المدة وانا ( جالي )= عشر ( سنوات ) مضت بحساب مقطبها
فان كان ربعي نسوني مانيب غالي = باعيش في ديرة قفرا جوانبها !!
في ايدي قرار تكف الجمع لاهالي = طويلة ناحل مقضب خشايبها
لي بندق ما صنعها الصانع التالي = من دقة ( المارت ) نحال مقاضبها
شريتها بالثمن يوم ارخص المالي = إميه وعشرين ما يمهل بغايبها
الله يرحمك يا عود شراها لي = من واحد جابها للسوق جالبها
حديدها واذكر الله كنه ريالي = كن الحيايا تطوافي مقاضبها
اقف بها بين ربعي وامنع التالي = لا خف ولد الردي ما احتال يزهبها
عط الطويلة عريب الجد والخالي = ولد الردي لا تلخونه يزول بها !!
واللي رفيع وللشوفات حمالي = ارفع نواصيه ياربي وقطبها
وانا من الخبرة اللي شورهم عالي = واهل سلوك الردي يارب تذهبها
بنت غراها زباد في ايد دلالي = ولا طموح هواها من يلاعبها
كم مرة قد ضربنا منجم خالي = وكم جملة فرقتها من ربايبها
وليا لفونا من المقناص زعالي = أحد مدح بندقة واحد يعذربها
بشرتهم العشا من عقب مقيالي = القايدة مع مرد الكوع ضاربها
اضرب بها الوعل لاجاد له تهنفالي = ابو حنية كبير الراس شايبها
ذبحت عشرة بها والظل ما مالي = والحاديه روحت تثلغ مضاربها
ويالله انا طالبك حمرا هو بالي = لا روح الجيش طفاح جنايبها
لا روح الجيش حاديه اشهب اللالي = لا هي تورد وسيع صدر راكبها
اللي على كورها واللي بالاحبالي = واللي على عيزها واللي بغاربها
لا روحت مع سباريت الخلا الخالي = كن الذيابه تنهش من ترايبها!!
تمت وصلوا عدد ماهل همالي = على نبي شروع الحق رتبها
اغفر ذنوب الفتى يالله ياوالي = لا جيت في حفرة رزوا نصايبها[/poem]
فراج بن ريفه العبيدي القحطاني رحمه الله
:shy
[flash=http://www.tarb.net/download.php?action=lsn&id=76256]WIDTH=0 HEIGHT=0[/flash]
