كوماااااار والسبع بنااااات
مافي روح نهي نهــــــــــــــــــــــــي
هاذا اخر كلمات اطلقها كومار وهم يسحبونه في مطار من قبل مكتب الترحيل في الجوازات
من هو كومار ؟؟ ولماذا كل هذا الصياح وبكاء وخصوصا وهو رايح للهند
قصه كومار تبداء حيث كان في الهند وهو رب اسرة مكونه من زوجته وسبع بنات
وكان كومار عازف في فرقه موسيقيه وهو عازف كمان في افلام هنديه
بدءت مشاكل كومار عندما كبرو بنات ولازم يزوجهم
وهناك عندهم بهند ان البنت هي الي تدفع المهر )
يعني اصبح كومار مطالب منه دفع مهور سبع من بناته والا يعنسون
توهق كومار واصبح لاينام اليل ولا نهار ويشتغل بعد انتهاء من الفرقه بعد العصر الا وقت متاخر من اليل
مع هذا كله ماقدر يحصل ولا على مهر وحدة من بناته
وش سوات ؟؟
و في يوم من الايام يجلس يفكر ويفكر ويفكر......
اخير جته فكرة
وش الفكرة انه يسافر برى ويحصل على دراهم ويزوج بنات
مافي الا هذا الحل
قام اليوم الثاني يدور على اكبر خان وهو في الحقيقه اكبر (نصاب)
ليه نصاب!!!!!
لانه يكذب على الفقراء المساكين ويقولهم انه يحصل لهم على فرص عمل برى البلاد ويعطيهم من ذا الرخيص الين ياخذ دراهمهم
ولا ياكد كلامي انه قال لكومار انه عندة عقد عمل من السعوديه في دار اوبرى
اجل دار اوبرى ولا وينه فيه بالسعوديه بعد
صدق كومار بحكم انه يعزف على الات موسيقيه
بس طلب من اكبر خان مبلغ كبير مدري كم بس ........ روبيه
باع الي وراة وقدامه كل هذا بسبيل انه يسافر للسعوديه ويوفر مبلغ ضخم
ويعيش هو اسرته عيشه كريمه وفي نفس الوقت يزوج بنات
جاء يوم السفر
وصل مطار . كان في بال كومار انه الي يستقبله واحد من مندوبين اوبرى ومع سيارة فخمه .
بس في الحقيقه يختلف كان الي يستقبل واحد اسمه صنداح و سيارة الي معه شاص
وقف عند الاستقبال القامدين جاء صنداح وناظر فيه انت كومار؟؟؟؟؟؟؟؟؟؟؟
رد عليه كومار يس سر؟
هو شافه ولا ماشافه صنداح مسكه مع رقبته وركبه في حوض الشاص وطار به
كومار ظنه انه مخطوف ( مو عاقل المليونير )
بس الحين صنداح وين مودي كومار؟؟؟؟
وهو فعلن كفيله ولا؟
طلعوا من الرياض ولاعاد فيه لا عماير ولا أي شي ماغير بر قاحله؟؟
اكتشف كومار انه هو كفيله صنداح وانه جاي على فيزة راعي غنم
وموديه للصمان
خنقته العبرة بس وش يسوي
جلس المشوار اربعه ساعات واخر شي وصل عند خيمه
ويناظر كومار حوله يشوف غنم وابل على مد النظر
وقاله شف ياكومار ابك هذا حلالي الله الله لا تنسرق ولا يجيه شي
وانا بسير عليك بعد اسبوع وهذا اكلك وهذا مويه وكل الي تبيه تحصله بخيمه
وراح صندح
وكومار حاط يده على خدة الين الحين ما يتصور انه في وضعيه هاذي من دار اوبرى الى راعي غنم ولا وين فيه في مقطعه
مصيه بس وش يسوي بيصير ويجمع المبلغ المطلوب ويرجع للديارة
مرت ايام وجاء صنداح وطلب من كومار انه يحلب الناقه وفعلن راح كومار يحلب الناقه وهو ماعندة أي خبرة في مجال هذا
معروف عن الناقه انها مزاجيه ونزل كومار يحلب يظنه انه زي حلب البقر !!!!
وهو يحلب من ورى الناقه فجته ذيك الرفسه في وجه وصدر كومار طار على ورى عشر امتار
جاه ارتجاج في مخ باضافه انه مرتج خلقه وكسور بصدر
نوم في المستشفى لمدة طويله
قرر صنداح بعدها بتسفير كومار نهائي وبدون خيارات بس كان هناك اتصال بصديق الصديق هذا اخو صنداح اسمه ابو صالح عايش بالرياض وسواقه مسافر ودرى انه اخوة عندة عامل يبي يسفرة ويبيه عندة فترة الين يرجع سواقه
قاعد يقلبها في مخه صنداح واخيراٌُ وافق
ماتتخيلون عاد كومار السعادة الي جته يعني مرة وحدة يكون عندة سيارة ويعيش بالرياض بعد احسن من مطارد الغنم في الشموس
قعد فترة ابو صالح يعلم كومار السواقه الين حس انه تعلم وصار يجيب اغراض البيت ومشاوير الي قريبه .
شوي شوي صار يجيب عيال ابو صالح من المدرسه الين انضبط كومار بسواقه .
ولبسوه ثوب وشماغ وطلع كنه شيخ قبيله
جاء يوم الخميس طبعا وراح يودي ام صالح عند اختها علشان تروح هي وياها للسوق .
وهم رايحين للسوق قاعدة تسولف ام صالح للاختها : ها وش رايتس نروح سوق الفلاني عندهم اقمشه تهبل .
رد عليها : قطع لالالا مو هب زين انشديني عنها كلها قديمه خلنا نروح لسوق الفلاني احسن منه
ام صالح : ماعندس سالفه نروح الي انا قلته.
كومار توهق السوق الي تبيها ام صالح يمين والسوق ألي تبيها اختها يسار؟
قالت اخت ام صالح كومار رح يسار لف كومار يسار على كلامها
ام صالح كوماروة انا معزبتك اقولك رح يمين
انقلب راس كومار يمين , يسار يمين , يسار
شوي
تنصا كومار نخله سكريه في شارع
وام صالح واختها انواع الزعاق والصراخ
كومار من الخوف الي فيه ومن خوفه من ابو صالح انه متوعدة ان صار للسيارة شي انه يحش رجوله حش
على طول نقز من السيارة كومار وانحاش
وين يروح!!!!!!
وش يسوي !!!!!!!
تذكر عاد كومار انه يعرف واحد اسمه راجو من ها الهنود في البطحاء راح له كومار وقاله وسالفته كذا وكذا
تاثر راجو بقصه كومار
طق على صدرة راجو وقال لكومار اذا مافي شيل ارض مال انتا انا في شيل عيون مال انا
يعني راجو فزع لكومار
عاد راجو عنده شقه بطحاء مجمع فيها الهنود ويصلحون نعل (الله يعزكم) وعلم كومار الشغله
اشتغل بجهد كومار وصلح تقريباً 100 نعله (الله يعزكم )
وورى راجو شغله .
كومار مبسوط شوي الين راجو ساطر كومار بنلعه!!!!!!!!!!!!!!!!
شوي بنعله الثانيه وثلاثه ........ الين 100نعله كلها في ظهر كومار؟؟؟
ليه طيب؟؟؟
صار كومار مصلح كل النعال يسار بس
طردة راجو قال لاعاد اشوفك
فكر كومار انه ياخذ سطل مويه وعلبه فيري من محل ابو ريالين فعلن سرق سطل من عمارة توها تبنا .
واشتغل عند مستشفى
والله حصل دخل من التغسيل واشتهر كومار في الشغل لدرجه انه غسل سيارة مدير المستشفى
وبعد فترة وكومار وهو يغسل سيارة المدير الجديدة كان يلبس كومار خاتم كبير كبر راسه
وهو يغسل بجهد واخلاص ويفرك السيارة المدير فرك طبعا علشانه مدير صار يحك بويه السيارة
ونزل المدير وكومار يحتريه عند سيارته شوي فسخ المدير عقال وقاعد يجلد كومار
وانحاش كومار مرة ثانيه
مسكين
وين مايطقها عوجا
كومار كان معه ميه ريال قرر انه يشتغل لحاله !!
راح وشرى كرتون مناديل وكرتون مويه
وصار يبيع فيها عند الاشارات وحقيقه طلع دخل مو بطال من ذا بيع عند الاشارات
وفي يوم كان الظهريه وزفلت تقول فرن من الحراره وشعرة المليان زيت يسيح يعني معاد يشوف الي قدامه وهو مايدري يطق قزاز السيارات وبغلط طق على شباك سيارة الجوازات
قال كومار مويه؟
شوي ماسكينه مع رقبته
اكتشف كومار ان ابوصالح مبلغ عنه من يوم ذاك الحادث
وهو في الحجز ماغير صياح ويبكي مسكين كومار
وسفروة لديرته
يعني تيتي تيتي زي ما روحتي جيتي
القلووووتقبلوووووو تحياتي
قوتــــــــــــووب
حلووووووووووووووووووووووووووه
مسكيييييييييييييين كومار...
طلعت عيونه عشان هالبنات....:cool:
كان سفر كل وحده تشتغل وتجيب مهرها أصرف له ... وصار هو مهراجا :\
مشكوره قوت القلوب .. ويعطيك العافيه .......:D
