الله يهونها
من أروع ما قيل عن أصول المربى و عن الوالدين...
خنقتني العبرة... لذلك اترككم المتألق دوماً :
الشاعر ثامر شبيب..
وشيلة بصوته اترككم مع المقطع المؤثر والقصيدة مكتوبة
و هذه الكلمات...
بيت يا بيت الكرم و المواجيب || للحين شامخ بين طول العمارات
تدري و ش اللي مبعدن عنك العيب || و اللي رفع قدرك بجنب الطويلات
راعيك باني طوفتك طيب من طيب || و الساس من عزة و مهابة ومروات
ديوانك امشرع إلعكف الأشانيب || بأدهلك يا قاطع ديارن بعيدات
اليا لفاها الضيف يبشر بترحيب || جت السمينة من يدين(ن) كريمات
عند الجماعه أفتخر والأجانيب || إني ربيت ابيت راع الصعيبات
حلال عسرات الامور النواشيب || ماكنها عنده نشيبة و عسرات
الله يهونها على العود ويطيب || ويغفرله الله ويرحمه لكل مافات
يابوي لافترت اعظامك من الشيب || اخذ من اعظامي عظام(ن) بديلات
يومنها حر وشموس و لواهيب || يصير ظلك فوق راسي مظلات
ويومنها برد(ن) يسل العراقيب || دفاني بشتك واحتظني من الذات
تعطي ولا ترجي وراها مكاسيب || الا من الله رب عرش السماوات
يمناك لامدت تمد مدها غيب || كنك تقول الطيب يا ناس بسكات
علمتني ان الكرم والعذاريب || ماتجتمع لو يرجع الحي لامات
وانا ولدك اللي قضبت المقاضيب || في طاعتك ملزوم في كل الأوقات
دامك بوسط البيت تامر و انا اجيب || ماعذربت بيتك اطوال العمارات
صوتك و صوت امي اكبار المكاسيب || لايابعد صوتي وبعد كل الأصوات
’’ ثامر شبيب الرشيدي ’’
ممـا راق لـي
دمتم بخير
