&قصة ممتعة جداااا جداااا&
((قصه واقعيه))
(قصة أربع شباب وفتاة
حصلت في الرياض تحديدافي الثمامه)أكيد كلكم تعرفونها
المهم
همشباب تواعدو يطلعون للبر في الثمامه سوا
ويكشتون ليلتين إتفقوابينهم وبين بعض إن كل واحد يجيب
شي (إللي جاب خيمه وإللي جاب الأكل واللي جاب الماءوالورقه وإللي جاكذابروحه)
ويوم جت وقت الطلعه ولاوخويهم إللي بيجي بروحه
إنشغل دق وإعتذرلهم وقالهم :
الوالده تعبانه بوديهاالمستشفى
المهم قالوا:
عادي خذ راحتك
المهم تجمعواالشباب وركبوا
في ذاك الجمس المضلل
إثنين قدام وواحد ورا
(لأنهم تهاوشوامن يركب قدام)
وبدت رحلتهم
كانوامستانسين في الطريق
ويغنون
ويتساقطون علاخلق الله
ويوم دخلواللثمامه
وعدواأسوارالعويضه إلاويشوفون ذاك الشي الأسود المخصروعليهالثمه قاعده تأشربالطريق !!
ويكعون فرامل لين طلعواكلهم فالشارع
وتقولهم :
معليش شباب ممكن توصلوني بيت اهلي
قال لهاواحد منهم وهو يعدل شماغه(إيه طبعا حركاتكم يالسعوديين)وإنتي وش جايبك هناليكون منتي صويحيه
قالت:وربي إني جايه مع أهلي
ورحت بعيدعنهم وأثاريني ضيعتهم بس دليتهم تالي
بس شكلهم راحو
حنابنات أبوي واجد والظاهرشالهم ومافقدني
الشباب شبت فيهم النخوه قال واحدفيهم:خيرإن شاالله وين فيه بيتكم؟
قالت:السويدي
الشباب مسكواروسهم قالوا:
وش يوديناالسويدي وحنا داخلين الثمامه ثم نروح بعدين نرجع الثمامه وش ذا
قال صاحب الجمس:يالله إركبي والله خايفين عليك من أحدالماره يستغلك وحنامو مقصرين إن شاالله
وتركب معهم وتجلس بالخلفيه
والشباب معصبين وشوي
ويولعون نار عالطريق بسبب سرعتهم الجنونيه
والبنت هاذي مو كافيه شرها
مره تقول أبغى بيبسي ومره تقول إرفع صوت المسجل
قال خويه اللي قدام لخويه السواق بصوت هادي:
ياولدالبنت هاذي متجريه
ردعليه:هاذي ذيبه واناخوك بس خلك رجال لاتضعف قدامها
وماصدقوادخلوا السويدي يصرفونها لاتجيبلهم مشكله قال واحدمنهم:هايابنت وين البيت
قالت:يوه أنتم دخلتم من جهه ماأدل البيت فيها قال خويناإللي بجانب السواق ماقلت لك
هاذي ماهي صويحيه
قال إللي ورا:ياشباب خلونانوديهاالشرطه يتصرفون راح ليلناماسهرنا،
قال السواق:وش تقول أنت بتورطنابيقولون إناحنافيناشي
بعدين هاذي حركاتهامجنونه
يمكن تبلانا
قال إللي بجنبه:وش رايكم نروح الثمامه
ونكمل سهرتنا إللي راح نصها
وهاذي نحطها علاجنب
لين يفقدونهاأهلهاويجونها
واتفقوا علا كذا
وهي طول الطريق تبكي تحاول تستعطفهم
بس ماعطوهاوجه إلي يدخن
وإلي يرفع صوت المسجل عالي
ودخلوا الثمامه وانصبواخيمتهم
وحضروا أغراضهم
وبدوابالشوي
والبنت تناظرفيهم من بعيد متمسكه فالعبايه بعيد
راح لمها واحد وعطاها صحن
من المشاوي وبيالةشاي
ثم إخمدوابينامون
إلاوالبنت ماخذه جوال واحدمنهم
وتشغله عالأغاني وتقوم
ترقص
ترقص
علامفاجأه لهم ويقومون يجلسون يناظرون فيهاوهي من الحماس ترمي العبايه واللثمه
ويقعدون يحملقون فيها
إلاتطلع خويهم الرابع
إللي إعتذر لهم إن أمه تعبانه بوديهاالمشفى
ويقومون يلحقونه بهالجزمات إللي ترقع علا راسه
إلين امسكوه وتكفيخ وضرب بالعقال مافكهم إلاالناس الماره
بعد الهدؤ ماخيب عليهم
(حلوه ماخيب عليهم) المهم
وكل واحد جالس هناك ينافخ كنه ثور والناس راحو
قرب لمهم خويهم وباس روسهم قال:السموحه
مادريت إنكم تزعلون كذا
علاالعموم أنتم مثال
لكل الشباب
علاكثرماسوت لكم هالبنت
وتميتم صامدين نعم الإخوه والله
ويتكاتفون ويروحون لفرشتهم وضحكاتهم تلجلج @@@@
النهايه@@@
&تحيااااااااااااااااااااااااااااااااااتي&
[[al.wlhan.14]]
