قصيدة سليمان عياط العنزي بالحوثيين
بسم الله الرحمن الرحيم
قصيدة الشاعر سليمان عياط السبيعي العنزي بالحوثيين اخزاهم الله
ليه يالحوثي تعبث بالحدود
قمت يالحصيني تحفر جحـــــاره
وقعدو بالجبل مثل القــرود
ونثبر يالحصيني لاتعدى المغاره
يالحصيني لاتعرض للأسود
لو كنت شاطر ماتنفعك الشطــاره
نارنا نشبها من روس الزنود
والعـدو ياشــــافـــنا ماشب نــــاره
حنا ترانا على الزايد نـــزود
ومن طمع ببلادنا بشره بالخســاره
دونها ابو متعب عريب الجدود
قايدا ليا قرر يمـــــــشي قــــــراره
والشعب كله لبو متعب جنـــود
جاهزا ينتــــــظر منه الاشــــــــاره
وابو خالد لجـــــيوشه يقـــــود
قايدا محــنك وقادها في مهـــــــــاره
جيشنا مابه رجلاً شـــــــــرود
بالمعارك حيشنا يرخص عمــــــــاره
ولولا خوفه من رباً معبـــــود
يذبح الحوثي ويستحــــــــــله بـــــداره
والحرس والامن وسلاح الحدود
واقفً دون البلد مثــــــــــل السعـــــاره
يالضَعيف انثبر مافيك فــــــود
لاتطيح بنـــــارنا مثــــــل الشــــــراره
وصلاة ربي عداد ماهبت النود
على رسولاً نتبعـــــــه في مســـــــــاره
