قصيدة العيون مسكته

قصيدة العيون مسكته والخدود مسكته - ناصر الفراعنة


العيـون مسكتـه والخـدود مسكتـه
ياسلام الياكشف وان تغطـى ياحـرام
لا بغيت اوصفه جـت لسانـي عكتـه
كل عضو من حبيبي يقول اسكت ونام
من يشوفه مات جن الهوى ما فكتـه
كيف اجل لوهو يشوف اربع حدر اللثام
جادل لا شلـح الثـوب داخـل دكتـه
ما بقى جدار من البيت ما صلى وصام
فتنته من ضحكته,الـف عـام بكتـه
اقطع من السيف وآرق من ريش النعام
من توصت فيه روس الاسنـة وكتـه
وش عليها شيخ ولا بعد تـوه غـلام
من عذر ثوبه على الردف جود ضكته
شاه اللي ما بعد شاهده لو في الحـلام
دوب بس الساق لحظة يمـر بسكتـه
والله ما يمديه يركض قبل يوم القيـام
اشهد انـي مكتـه ان بغانـي مكتـه
واشهد اني بيته من الحجر حتى المقام
يا حبيب فيه كل الوصـوف مسكتـه
فيك قلبي ميت وضربك الميـت حـرام



صح لسان شاعر الجن ناصر الفراعنه

صح لسااااااان ناااصر الفراعنه ،،،،

ويعطييييييك العافيه على النقل ،

نورتي صفحتي لاعدمنك

صح لسان الشاعر

يعطيك العافيه اخوي فزاع

مشكور على المرور يالغالي لاعدمنك