-
سعودية ويوناني
ادور للمدينه في خيال حطه افلاطون
سعودية ولكني بعيش بحلم يوناني
بعيش بحلم يرفعني على روس البشر وأمون
أصير اكبر من احساس السنين الميت الفاني
أصير أكبر من أرتام تشكل بالنهاية لحون
نرددها اذا اشتد القهر لادان لاداني
ابتفرعن واصير اكبر من اني انحسب فرعون
بصير اكبر من اثار القتيل وحجة الجاني
بحاول اجعل الدنيا بلا اهه ودون ديون
ما فيها حفد ولا يسكن ثراها واحد اناني
ابيك تكون يالقاضي مع (الونه) عضيد وعون
على اللي حيل حطومني وزاد سنين حرماني
احط احلامي بكفه ويحلف للغرام يصون
وانه مهما يحصل له ابد ما راح ينساني
حكا للناس عقلني وهو زاد الجنون جنون
وانا لجله ابتفاخر امام الناس بجناني
بنى لي وسط اضلاعه خنادق غايره وحصون
دخلت في وسط خفاقه ولا ادري وين وداني
هربت من اللوريد اللي يقيد قامة المسجون
عشان القى مفاتيح الخلاص بوسط شرياني
اسير وكن ما تحت الحواجب منخلق لي عيون
طريقي معتم ورجلي اذا بسر تعصاني
ادور وأسأل صديقاتي يا بشر تكفون
انا وين ما عاد ادري ولا ادري وين بلقاني
ادورني ما بين مدارات امتزاج اللون
ولكن للاسف اني ما عاد اشوف الواني
سواد انصب في عين حوت قبل الفراق الكون
تسربل في الحشا لين السواد بصمت اعماني
بغيت اعيش لكنه قتلني وابتسم بالهون
ذبح نصفه قبل لا كمل بقلبي نصفي الثاني
ذبحني وارتفع رأسه على بيد تسمى متون
دخيل الموت غني لي بودي اسمع أغاني
تراي أسمع تراتيل العروق بداخلي يبكون
واحس اني عشان احيا لزوم اقيد لساني
ثلاث ارباعنا حنا البنات نموت ما تدرون
نحب بصمت ونواجه جنون الشوق ونعاني
ندور للمدينه في خيال حطه افلاطون
سعوديات لكنا نعيش بقلب يوناني
القصيدة الشاعرة .......
ونـــــــــــــــــــــــه
-
-
اشكرا لك
حنين الماضي وهذه القصيدة انتقيتها مناصرة لشموخ المرأة
بس لا تهجموني لان القادم مذهل
واحتمال كيبر لا يناسبكن
لذا ارجو المعذرة
-
الله يعطيك العافيه
اختيار حلو وموفق
وصح لسانك ولسان الشاعر
-
اخوي / المختلف ...
صراحة القصيدة مؤثرة وتحمل الام فتاة اعطت لنفسها الحرية في اتباع شهواتها وبالتالي تعلقت بشاب لا يستحق حبها ولا يقدره ...
اخالف رايها ان هذا راي السعوديات وانهن يعشن بقلب يوناني وخرابيط افلاطون ...
صح ان البنت تحب لكن حبها خفيف بسبب عدم اختلاطها واتصالها مع حبيبها ...
البنت عاطفية ومسكينة اللي تطيح بيد ظالم وممكن يضيع مستقبلها ويخليها تعيش بعذاب ولوعة طول عمرها ...
كل هالمشاكل تصير لاننا ما سمعنا نصيحة الرسول صلى الله عليه وسلم (رفقا بالقوارير) ...
اتمنى يكون رائي مفهوم ...
ومشكور اخوي / المختلف على هالاختيار...
-
اخي ... رفحاوي
رايك وصل ومفهوم طبعا وانا تعمدت اختيار هذه القصيدة بذات لانها تمثل حال بعض فتيات هذا الزمن ..............
لكن كما قلت اخي فنحن لا نستمع ولا نعي لما يقالI-
:^:ng
-
اخوي / المختلف ...
صراحة القصيدة مؤثرة وتحمل الام فتاة اعطت لنفسها الحرية في اتباع شهواتها وبالتالي تعلقت بشاب لا يستحق حبها ولا يقدره ...
اخالف رايها ان هذا راي السعوديات وانهن يعشن بقلب يوناني وخرابيط افلاطون ...
صح ان البنت تحب لكن حبها خفيف بسبب عدم اختلاطها واتصالها مع حبيبها ...
البنت عاطفية ومسكينة اللي تطيح بيد ظالم وممكن يضيع مستقبلها ويخليها تعيش بعذاب ولوعة طول عمرها ...
كل هالمشاكل تصير لاننا ما سمعنا نصيحة الرسول صلى الله عليه وسلم (رفقا بالقوارير) ...
اتمنى يكون رائي مفهوم ...
ومشكور اخوي / المختلف على هالاختيار...
والله ماعندي زياده على كلام العمده وهذا رد منك بعد:
اخي ... حمود
رايك وصل ومفهوم طبعا وانا تعمدت اختيار هذه القصيدة بذات لانها تمثل حال بعض فتيات هذا الزمن ..............
لكن كما قلت اخي فنحن لا نستمع ولا نعي لما يقال
-
انا اقول مدامها من الحجي المختلف
فهي شي مختلف يعني مايحتااااااج
شنكرور حجي مختلف
