السلام عليكم ورحمة الله وبركاته
قصيدة جديدة ومتواضعه ارجوا ان تجد بعض الرضى
**
[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اللي يقول إن الغلا مايضره=كذاب لوتحلف دموعه لمغليه
الشوق لاخالف مقرك مقره=أول ضرايب هالغلا في موانيه
تحس في جوفك من الشوق حره=وتطلب من الله هالغلا وش لنا فيه
لاغصت بحر الشوق واغراك دره=دره مهو شي ن تونس طواريه
ماكل من عاش الغلا في مسره=بعض الغلا يفرض علينا بلاويه
هذا مجرد موجز اضرار شره=ياجاهلٍ في عالمه ليه تطريه!
لطمت جرحٍ كنت مخفيه مره=والحين منهو يارفيقي يداويه؟
ياوجد حالي وجد من بان سره=واقرب قريبٍ قال سره لواشيه
او وجد شيخٍ كان فوق المجره=وضامه زمانه ثم طاحت هقاويه
واحتاج عفنٍ زايد المال صره=وقام يتشمت بالمجالس ويكويه
ومن الغبن عبرات صدره يجره=جرت خلوجٍ ضيقت صدر وآليه
او وجد صدام العرب يوم زره=جيش الكفر من حكم دوله بتكريه
صدق الغلا لازم علينا نبره=لو كل جرحٍ من سبايب معاليه
ياطير ياللي في مكانه تمره=سلم عليه وقله اني معاديه!
ولاشفت عينه سلهمت بالتشره=ارجع ووصفلي علوم المشاريه
ياطير لاتهتم مثقال ذره=هذي سوالف بين غالي ومغليه[/poem]
شعر/ غريب في وطني
